منتدى شباب درنه
سجل معنا فى منتداك منتدى شباب درنه
أول منتدى درناوى على النت

منتدى شباب درنه

يدا بيد للابداع...... للوصال..... للمحبة..... للسمو..... للنجاح..... للطريق السامى ..... منتدى شباب درنه منتدى ليبي درناوى
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  ياعاصى تب الى اللهياعاصى تب الى الله  

للإبداع و التميز عنوان واحد .::. منتدى شباب درنه .::.

دعوتنا للجميع دون تحيز و دون تملق نسعى للأفضل لنكون الأفضل

منتدى شباب درنه أول منتدى درناوى على النت
رابط إحصائيات الاعضاء http://derna.all-up.com/stats.htm
الان منتدى شباب درنه على الفايس بوك ادخل على الرابط http://www.facebook.com/groups/ShababDerna/
بحـث
 
 

نتائج البحث
 
Rechercher بحث متقدم
المواضيع الأخيرة
» وييييييينكم يا هووووووووو
الجمعة أغسطس 29, 2014 12:59 am من طرف طرابلسية حرة

» بعد غياب سنين
الثلاثاء فبراير 25, 2014 2:24 am من طرف اوتي91

» أفكارنا هي السبب الرئيسي لأمراضنا
الخميس يوليو 04, 2013 10:37 pm من طرف وليدو الحلو1

» نداااااااااااااء لأعضاااااااااء المنتدى
الجمعة مايو 31, 2013 4:47 pm من طرف درنيسيه حره

» لعبة الغناوي..
الجمعة مايو 31, 2013 4:44 pm من طرف درنيسيه حره

» أتمنى ... <عودتكم>
الجمعة مايو 31, 2013 4:36 pm من طرف درنيسيه حره

» الله يرحمك يا يام
الجمعة مايو 31, 2013 4:34 pm من طرف درنيسيه حره

» الى كل عضو وزائر تفضل بدخول....ولن تندم..أن شاء الله!!
الجمعة أبريل 26, 2013 11:46 pm من طرف رضا عمر

» وينكم يا اعضاء المنتدي
السبت فبراير 02, 2013 10:14 pm من طرف جوبيتير

احصائيات
هذا المنتدى يتوفر على 2551 عُضو.
آخر عُضو مُسجل هو أحمد القائدي فمرحباً به.

أعضاؤنا قدموا 48261 مساهمة في هذا المنتدى في 4032 موضوع

شاطر | 
 

 @ بـــدت عــكــســيــه راجــل بــدي خــاتــم فـيـد ولـيـه@

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جوبيتير
عضو مشارك ممتاز


عدد الرسائل : 5883
العمر : 29
الموقع : www.derna.all-up.com
العمل/الترفيه : معرض بيت المنى للأثاث المكتبي
المزاج : اليوم أبيومه
SMS : ليس الغريب غريب الشامي واليمني أنما الغريب غريب اللحد والكفني

حَينَ يَغمُرَكَ الحُزنُ تَأمَل قَلبَكَ من جَديد،
فَسَتَرَى أَنَكَ في الحَقيقَة(تَبكي) مَما كَانَ يَوماً مَصدَرَ بَهجَتكَ..

سيور الجديد قديم بعد أسنين يا عين في الغلا

الله يرحم الغاليه أمي قول أمين
ألدوله :
تاريخ التسجيل : 12/01/2010

مُساهمةموضوع: @ بـــدت عــكــســيــه راجــل بــدي خــاتــم فـيـد ولـيـه@   الإثنين يناير 18, 2010 6:15 pm

بدت عكسيه .. راجل بدي خاتم فيد وليه ..الامور ياصاحب بدت عكسيه

قبل لاياخدها .. بنيه خجوله هي اللي رايدها ...

كلم خواته وجهته حددها .. قدا منو جاباته لها قسميه

وبعد التخرج حددو زفتها .. بعد ماخطزبتها بدت رسميه

علي بيتهم كم كندره بيدها.. قليل وين مايشيلش معاه هديه

وأنعم وحاضر دوم بيرددها ..مدنقر وخايف ياعليك بليه

اللي تطلبه يلبيه في لحظتها..ياحيف علي التريس اللي بلا شخصيه

بدت عكسيه .. راجل بدي خاتم فيد وليه ..الامور ياصاحب بدت عكسيه

بعد ماخذاته .. كيف مالخاتم فيدها لبساته.. بتخطيط شيطاني عليك شماته.. عبت دماغه بالافكار السيه

قدامه علي امه صوتها علاته..حاقد علي امه لاجل قعده حيه

وكاره وجود اميمته وخواته..ولو كان لاقي سحقهم جمليه

وكل من هو حكمه بيد مراته .. مليشي قيمه ولااهميه

نسي اميمته لي فبطنها حملاته.. تسعه شهور طوال موش شويه

نسي ايام كان صغير في قماطه .. في غمرها من الصبح لي العشيه

نسي ايام كيف تبدلو خطواته.. وهي تقوله ديدش وليدي هيا

نسي ايام كان لصدرها ظماته.. حنان الامومه ماهناكش زيه

نسي ايام كان مرض ماساباته.. للصبح سهرانه حذاه وحيه

نسي كل مادارت وماعاناته .. مشي في مهب الريح ريح قويه

يخططلها ويعيد في حساباته.. وقال تو بنرقدلها الميه

وزاد قال بمفهوم عباراته.. هالعزوز منكدتها عليا

بنرميها فبرويطه الساعه3.. وجودها ماعاد ينفع بيا

ولا بضربه قاضيه مواته .. نردمها وننفض من التراب ايديا

وندير روحي دمعتي فلاته .. ويبدو العزايه يعزو فيا

كأنه العزوز بوذنها سمعاته.. عرفت انه ناويلها عالسيه

وهي صابره عالمر لي ضاقاته.. وفكل لحظه تزورها المنيه

رفعت ايديها للكريم دعاته .. بقولت انت عالم بكل خفيه

تهدي وليدي لي طريق نجاته.. ونانموت نبقا راضيه مرضيه

بكت لين حتي نظرها فقداته.. عزلها فغرفه بروحها منسيه

بدت عكسيه .. راجل بدي خاتم فيد وليه

بعد ماعزلها بتخطيط من مرته وزاد تقنها.. وقال باش نفتكو من مشاكلها

مجرم عديم الاصل والبيتيه.. عدل امره ساعته معدلها هاذي فرصته مادامها معميه

وناض في عقاب الليل بيقتلها .. ميت احساسه والضمير سويه

بسكين فيده اليمنه شايلها .. وهي من وراه اللي خبيثة نيه

متوفيه من قبل لايوصلها .. وهي ماده ايديها تريد اميه

اجعنه ضرير فعيشته واكلها .. يكمل حياته عالفراش رميه

بدت عكسيه راجل بدي خاتم فيد وليه .. الامور ياصاحب

ماعليه يخف .. لاالمرض لاذنبه اللي اقترف

يظل يسطفق لين التراب يسف..وتنزل دموعه سايلات سخيه

وظهره يتعوج كيف حرف ال F من قبل مايوصل فنص الميه .. اجعنه حموله من الهموم ستف لين تتعب حالته النفسيه

اجعنه مأيس بيه مايلطف المولي ولايهون عليه شويه .. علي الله مرته ولدها يعرف ان بوه في جداه دار خطيه

وميزة الدنيا والزمان يلف .. وسيورها تنزل عليه بليه

يجي دور ولده يردله السلف.. كيف مازرع الشوك يحصد زيه

ومازال بنحكي اللي شايف.. ومازال عندي للحديث بقيه

امغير تو نبي نسكره الملف..لاجل اني حايز رضا والديا

بدت عكسيه .. راجل بدي خاتم فيد وليه .. الامور ياصاحب بدت عكسيه
الرجوع الى أعلى الصفحة اذهب الى الأسفل
اوتي91
عضو مشارك ممتاز


عدد الرسائل : 3919
العمر : 25
العمل/الترفيه : طالبه
المزاج : حسب الظروف
SMS : تحية طيبة يا والدي الطيب ,
الله يطول عمرك يا غالي يا احبيب

اكتبلك رساله حب , يا غالي يا اطيب قلب ,

وصت عليك الشرايع وموصي عليك الرب ,

يلي رضاك عليا , احلي واغلي هدية , تحية
ألدوله :
تاريخ التسجيل : 08/01/2010

مُساهمةموضوع: رد: @ بـــدت عــكــســيــه راجــل بــدي خــاتــم فـيـد ولـيـه@   الإثنين يناير 18, 2010 8:28 pm

في الحاله هذه اللوم مش ع الافعي مراته اللوم عليه هو اللي قتل ضميره وإحساسه وانسانيته ورضي انه يدير هكي في امه ..وهذا مش مش راجل هذا متنطبقش عليه الصفه الانسانيه ..
الرجوع الى أعلى الصفحة اذهب الى الأسفل
جوبيتير
عضو مشارك ممتاز


عدد الرسائل : 5883
العمر : 29
الموقع : www.derna.all-up.com
العمل/الترفيه : معرض بيت المنى للأثاث المكتبي
المزاج : اليوم أبيومه
SMS : ليس الغريب غريب الشامي واليمني أنما الغريب غريب اللحد والكفني

حَينَ يَغمُرَكَ الحُزنُ تَأمَل قَلبَكَ من جَديد،
فَسَتَرَى أَنَكَ في الحَقيقَة(تَبكي) مَما كَانَ يَوماً مَصدَرَ بَهجَتكَ..

سيور الجديد قديم بعد أسنين يا عين في الغلا

الله يرحم الغاليه أمي قول أمين
ألدوله :
تاريخ التسجيل : 12/01/2010

مُساهمةموضوع: رد: @ بـــدت عــكــســيــه راجــل بــدي خــاتــم فـيـد ولـيـه@   الخميس يناير 21, 2010 1:34 pm

صدقتي في ماقلتي والله مشكروه علي ردك 
الرجوع الى أعلى الصفحة اذهب الى الأسفل
pink*flower
عضو مشارك ممتاز


عدد الرسائل : 1396
العمر : 26
الموقع :
العمل/الترفيه : طالبه
المزاج : متقلبه دائما وابدا
SMS : قد يظلم الدرب* وتضيق النفس *لكن شموع الصحبه الصالحه تنير الطريق *وتمحو الضيق* ويبقي الانقياء رونقآ *للحياه ويبقي وجودهم الزاد الجميل *
تحيه طيبه الي كل صديقاتي
الغاليات جدا جدا
ألدوله :
تاريخ التسجيل : 19/10/2009

مُساهمةموضوع: رد: @ بـــدت عــكــســيــه راجــل بــدي خــاتــم فـيـد ولـيـه@   الجمعة فبراير 05, 2010 4:34 pm

لاحول ولا قوه الا بالله كل حاجه الا الام الام وربي يعطيني رضا الوالدين
للاسف القصص هذه موجوده في هذا الزمان وربي رحيم
الرجوع الى أعلى الصفحة اذهب الى الأسفل
 
@ بـــدت عــكــســيــه راجــل بــدي خــاتــم فـيـد ولـيـه@
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب درنه :: المنتدى الأدبى :: منتدى الشعر الشعبى-
انتقل الى: