غناوي صح علي القديم

[size=24]تحشم يالقديم شوى ....... خبر شين اللى دريتافى

[b]الخاطر يكرب فيه الدم .......ايقول جديد انقول قدم

[b]يالقديم امخرب سوقى ........ نين ايجيبولىصندوقى

[b]تقازى تقاز عدوك ....... قال الغالى ياخذسوك

[b]انوارى واندثمر وانلم ....... ابها بكل بانولقدم

[b]عليك حلم جاب قديم ....... تفسيره انموت وماقسم

[b]الخاطر بين ايدين قديم ........ ايجى بالشحته والتلميم

[b]اقدم لااقالو هاك دواك ........ ولاقالولى موتبداك

[b]انسيتك يالقديم خلاص ....... اتخطم كيفك كيفالناس

[b]وين قديم علمنى داير ...... غالى غيره جانىطاير

[b]لنظار فى الجديد اعلقن ........ قديم ماخذا غيرسوهن

[b]لوكان يالجديد قسمت ........ انديرك شماته فىالقدم

إرهن وقاللي نرجاك
حجايج قـــــــــــديم يدوخن

منوره عجبني كلهن ياسموحه

ناني حاجه صح بكل ..

منوره

((((مازال القديم يهف ساعه نومي ..
ومازلت شايل لوعته وعناه ..ومازلت شوره راقات اعزومي نبكي علي ياسه وطول رجاه
..ومازال كي يخطر انحقه يومي .. قاطع الواي وانا قطعت الواه ..
صغير وعيت عليه في اول صومي .. كيف ياهوه تريدوني ننساه ؟؟؟؟؟))))

مشكوره رويدا علي مرورك الحلو
يا عسل انتي

اوتي نورتي الصفحه يا صقع
صحيتي عجبتني اللي كتبتيها
صحيتي

الله الله فى قول الحق............دواى قديم وماينطق

منور\ه اصلي علي الغناوه
آنستنا وما تحرمنا ردودك

الله الله لو كان انصيد .............. انردك يالقديم جديد
تسلمى اوخيتى

منور والله اصلي
يا القديم خطا جلوتن ..... ما فيها شي ازنيقتن

يالقـديم معاهن كنك...... يبكن فيت عليك ومنك

القديم اللي ضراتك ..... بايعني بعرب باعاتك

قديم اللي وجعتني فيه .... خذاه اللي موتاعب فيه
دز قديم يريد العوده ..... قلنالا مرحب بلجوده
ردها :
عليش اتدزو يا لقدم ..... الخاطر بلي فيه لكم

حطيت علي القديم رديم إلا الجديد ناره كابره

مشكوره قشعراني

هك و هك وهك مشينا ................ ماكيف قديمن القينا

يا القديم بخير طريتك ..... وانت قارضني ثاريتك

قديم يا العين اقهرك ...لا هان لا جفا لا طاب لك
نتاجر براس المال ... مازلت فيك يا سوق القدم
كني عليك يا القديم ... ماندير يوم وانتا قرعتي

لليوم ما دعيت عليه ..... واجعن عزيز لامال لاضنا

انعبيهن لنظار رديـــــــــــم ............. كـــان التفتن شور قديم !!

قديمي يسمعها ياريت ..... اجدد جوني لكن ما بيت

ردها:
حكولي بها مابيت ..... تبديلة القديمين واعره

عندك يالقديم معز عقلى جاه جديد او لزى

جديد انديره شان ايش................مازال قديمى اتقول ايش

اقدم نمكر فيهم وانكيد ...... احذاهم داير صوب جديد

اجعنكــ يالقديـــــــــــــم اتلط ....... رحيلكــ مافي وطن اتحط ؟؟

يالقديم امغير خطاني *** ياما جد وياما جاني

يا القديم اجعن خاتمتك ...... تشحت في قفطان لبنتك
عقلي قال قديم انسيب .... عيني قالت تبقي طيب
عقلي يا القديم عطيني ..... واطلق بين جديد وبيني
حقي يا القدي انريده ... روح وكبد وعين جديده
تسكت العين يبكي العقل ...... يخطر قديم نبكو كلنا
وسلامتكم

الماضي يا القديم ايسدك ///علي قلبي ماعاد انردك

كان سمعت إبليس يصيم/// تعال إنردك يا القديم

تـنشـد يالـقديم علي /// مـرايـف حـالك يـشٌـغل فـي

طايل يا القديم اريافى .............. لا انسيتك لا جيت اصدافى

قديم عليش ايمن علي ///وهو مايسوى عندي شي

يا القديم ادموعي جفن .... يا بارد ياوج المعفن

((حالف يا القديم انردك////حتي شايب واصل حدك))

رحيل قديمي كي نبيه .... انردا ماني واحل فيه

يا القديم وما تعلمها ..... نارك صوب جديد ردمها

((ياالقديم جديد القيته//// طارب ومصفيلي نيتة))........

((يا القديم اطروح قديــمه /// لو تزحف ما عندك قيمه ))....

صوب جديد معبي عيني ..... ماعاد قديم يبكيني

يالقديم جميلك واصل///// وأنت بين أذنوبي حاصل

حي حي استكيت انا
بجد وحده احلي م وحده
وعجبتني واجد بارد يا بو وجه معفن هاهاهاها

الشامت ابكاي اوجعه نهض معاي يدعي ع القدم

لليوم ما دعيت عليه .... واجعن قديم لا مال لاضنا

منوره زينا

يالقديم الغفوه طارت///نبكيلك هي صارت صارت

قديم غيبته ع الدار .... بكت الناس يابال خاطري

قديم غيبته ع الدار ..... بكت الناس يابال خاطري

انكاني قديم نسيت .... يبقي العقل ماهو لولي
جديد في جديد اندير ..... ننسي قديم هاذي كاينه
اندير ع الجديد جديد..... يبقي قديم هو صاحب الغلا

قديم يا العين اقهرك,,,,لا هــان لا جفا لا طــــــــاب لك
نتاجر براس المال,,,, مازلت فيك يا ســــوق القدم
ما بيت ع الجديد انغلى,,, من قبل قيسني ظالم قدم
ايجنه اوقات ايغيب ,,, الصبر يا اعيوني ف القــــــــــدم
قديم بيش ما يلتام,,,, نجحد غلاه وانقول ســـــــاهلة
انتي عليك خوذي نوع ,, وتخطيرة قديمينك علـــــــي
اندمت في بكاي علية ,, قديم كي تعاميت باعـــــني
القيت الجديـــــــد حنون,, ترست فية وانسيت القدم
تبسيمة جديد احذاي,, تسوى سنين في صوب لولي
نلقانه خلا ليدين,,, ودر قديـــــــــــــم والخوف ع الجدد
امفيت والقديم معاك ,,, أجفــــــل بعيد يا نوم لا تجي
ننها العقل نين يريض,,, نسها علية يشلا بالقـــــــدم
ثاريتا شديدة عــــــزم ,,, لها زمان ما قالت يا قــــــدم
قديم ما علينا فيه ,,, جديد ليش يا عــــــــــين سيبك
يحسابني قديم انمـــوت ,,دثمـــــر دواي داووني اجدد
انخاف يا شبوب جديد,,, نبذر عليك ويخون مــــارسك
نلقــــانه ونس وطعمة,,, غلا قـــــديم لولا خـــــــونته
للناشـــــد الخونه قـــــــلت,,, ما يديرها قديم ودارها
ميزان القديم قـــــــــــديم ,,,يردح بثقل مازال ما ركح

منور واحد من الناس خطيرات بلكل
صحييييييييييييييييييت

نخاير اندير جديد ... ينزر العقل ويقول القدم
علي جديد بات الراي ... فكوني من قولت قدم
شور جديد انضاري جرن .... منك يا القديم تبرن
حتي والجديد اطعمه .... يحكي العقل مازال ع القدم