Untitled

● آزول فــلاون ~

بما إنيـﮯ عضو جديد ومازلت بشكايريـﮯ حنخش في الموضوع على طول

من غيـر مقدمـآت الحكايـﮧ كسـاد وجتنيـﮯ ع الفترشـﮧ شويا - يعنيـﮯ محد آيركز واجد -

~

جو شين بعد تشوف الطيآره آطير وأنت متقدرش آطير ..

المشكلــﮧ عندك يد تسآعدك علـﮯ الاقلآٌع فيـﮯ الجو ..

وكراع عشان ايساعدك ع هبوط ..

وعين للرؤيــﮧ الليليــﮧ والمسآئيــﮧ والعصريــﮧ والرؤيــﮧ تحت الأشعــﮧ الفوشيــﮧ آخرى ..

وخشم لموآزنــﮧ تيآرآت الهوآء المعآكســﮧ والاعآصير والببسيات - جمع بيبسيـﮯ -

يا ريت ربيـﮯ يعطينيـﮯ خآصيــﮧ الطيرآن عشآن أنحس بأحسآس أحسآسيسيـﮯ ..

وعشآن ما نغرش من الطيآره كان شفتهآ آطير فوقيـﮯ ..

فا من وأنا صغير ننهبل - مصطلح فيــﮧ شويا بلبلــﮧ - كان شفت شيـﮯ يطير ..

و نقعد نقول ليش أنا منطريش زيــﮧ لييييييييش ..

مره كنت قاعد قدام التلفزيون وجت أغنيــﮧ وطنيــﮧ معش نذكرهـا شنو

وجآبو لقطــﮧ جنود يقفزون - ملقيتلهش مصطلح بالعاميــﮧ - من طيآره بالمضلات

قلت فكره ..

وخيكم بادن عدى يدور علـﮯ أكبر شكاره فيـﮯ الحوش ..

» يجب أن تحمل جميع الموآصفآت والمقآييس الجيده متينــﮧ وخفيفــﮧ ولا تتمزق

وين مشيت بعدهــا ؟

مشيت آندور على أطول سور فيـﮯ الحوش عشآن تنفذ العمليــﮧ

ومجمع عيال الجيران عشان ايدروليـﮯ جو متع سوبر مان أنت البطل ..

وجت لحظــﮧ الإنطلاق

ونطير مع الصور ورآفع الشكاره فوق علـﮯ أسآس أنهآ مظلــﮧ

وخيك ما يصحـﮯ إلا وهو متكردم ع الوطـﮯ

صبيت بكل برود نضحك .. هيييييـﮯ طرت هييييـﮯ ..

و ين طرت يآعمو و هنّ ثانيتين جزء من الثانية فيـﮯ الجو و الباقيـﮯ حك علـﮯ جبهتك

..

و أستنآداً علـﮯ هذآ الموقف يجب تأسيس نآديـﮯ لهوآه القفز الكيسيـﮯ

المهم مش هذا موضوعنـا ..

اليوم قاعد مكسد في الحوش ما عنديـﮯ ما اندير قلت خلينيـﮯ نكسد في المنتدى شويـا

وفكـرت وفكرت وفكرت - 3 مرات -

شن نكتب وخطـر عليـا موقف صار معايا من فتره مش بعيدا

بس بالله فكونــﮧ من الردود الليـﮯ تحبط .. شكراً مشكور يسلمووو

لأنها ديما تعقد فيا كأنها تقول معش تكتب موضوع مره آخرى

نجيـﮯ للمهم

قريت مره من المراير نكتــﮧ سخيفــﮧ ، قصديـﮯ بايخــﮧ - حسيت فيـﮯ جماعــﮧ تفكيرهم شرق -

و الواحد بعد يقعد مكسد ومال يضحك علـﮯ أيـﮯ شيـﮯ تافــﮧ

لو كانت نملــﮧ تمشيـﮯ وطاحت

عاد عجبتنيـﮯ وحفظتها .. وتميت كل ما نتلاقـﮯ مع حد نقولها لــﮧ

أو بعد ما نخش الماسن ونكون مكسد و الليـﮯ يكلمنيـﮯ حتـﮯ هو مكسد

نقولــﮧ النكتــﮧ ، بس المشكلــﮧ كل ما نقولها لحد ايسيرلــﮧ شيـﮯ

مره قلتها للوالدين يعنيـﮯ بابا وماما - مش عارف قاموس العاميــﮧ اليوم مستك معايا -

الوالد عطانيـﮯ نظرة مش مفهمومــﮧ بكل ، زيـﮯ الوجــﮧ هذا »

لأنيـﮯ قطعت كلامــﮧ عشان نكتــﮧ سخيفــﮧ ..

الوالده مسكينــﮧ علـﮯ نياتهـا تمت تضحتك بطريقــﮧ هستيريــﮧ مش عشان النكتــﮧ

بس عشان متكسرش بخاطريـﮯ - بس زارق عليهـا -

المهم عاد ضاقت بيـﮯ الواسعــﮧ - حلوه صح -

مفيش حد ضحـك علـﮯ نكتيـﮯ بكل ، مع إنيـﮯ تعب علـﮯ ما حفضتها

المهم قلت مافيـﮯ إلا رفيق دربي هنو - واحد متعرفوش - خشيت ع الماسن

لقيتــﮧ قاعد وحكيتلــﮧ علـﮯ معاناتـﮯ

وقتلــﮧ مفيش حد ضحك علـﮯ نكتيـﮯ وأنا مكسور خاطريـﮯ - يآآآي -

قاليـﮯ ولايهمك توا نضحك عليك آآآآه قصديـﮯ عليهـا

وآهو أنا جهزت الضحكــﮧ قولهـا

توكلت علـﮯ الله وبديت نكتبلــﮧ في النكتــﮧ وطبعاً أنا منطلق في الكتابــﮧ ومندمج

أخيراً في حد بيضحك ع النكتــﮧ

وفجأة طووووووط طوط طوط - نغمة الرسائل فيـﮯ موبايليـﮯ -

صبيت قلت من الليـﮯ قطع عليـﮯ حبل النكتــﮧ خلينيـﮯ نشوفــﮧ

وهذا هو نص الرسالــﮧ

المرسل » هنو

فصل النت

شكلهـا نكتك فايروس

ههههههههههههههههه » الضحكــﮧ الليـﮯ وعدتك بيها

و أنا بديت في حالــﮧ مش مفهمومــﮧ من الضحك ومع كل ضحكــﮧ يتحطم قلبيـﮯ علـﮯ نكتيـﮯ

و طبعاً خنقتنيـﮯ العبره وزعلت وسكرت الماسن وطلعت

طبعاً أختيـﮯ من قبل نصحتنيـﮯ

وقالتليـﮯ متقولهش لحد مش كل الناس تجامل - تحطيم من القلب -

بس أنا ماصدقتهش وهذيـﮯ نهايــﮧ الليـﮯ مايسمعش الكلام .. وخطـرهـا الكسـاد

آآه طلب صغير قبل ما نطلع من عيت إدارة .. بالله شوفوا الخطوط والآلوان ميخدمنش معايا ليش ؟

قصديـﮯ الشكل فيـا أنا ولا المشكلــﮧ فيـﮯ المنتدى

● آين توفـات

منـور عرم يا زعيــم وصحيــت ع الـرد ~

بس بمـا إنك من عيت إدارة بالله شوفليـﮯ الخطوط والآلوان ليش ميخدمنش معايا ( ^ــ^ )

مفيش مشكلــﮧ حتـﮯ هكيـﮯ يمشيـﮯ الجو .. ومنور يا طير مقصرتش ~

سهـرايــﮧ نورتيـﮯ الموضوع بطلتك و ردك هو الليـﮯ عســل

عموماً خوذيـﮯ راحتك الميضوع وصاحب الميضوع تحت أمرك فيـﮯ أيـﮯ وقت

وآدلليـﮯ

.
.
.
.
.
.
.

آهآ آهآ قولوا آيعاكس

آبن درنــﮧ يا سمح يليـﮯ عويناتك زرق منـور بجديات ع الـرد

وربيـﮯ آيخليـلك ماما وبابا - لالا فيـﮯ تشتشــﮧ -

بس المشكلــﮧ منحلتـش .. ولا قلتهـا بس غير تسكت فيـا .. زرقت عليك صح

منوره خيتيـﮯ pink flower .. و بجديــات ردك

و صح لسانك ~ بصوت واحد إماراتيـﮯ