نذاله ®

هلووو قاايز وآتس آب

وآآت آرر يوو دوينغ ؟ آر يوو قوود » لالا فيــﮧ تشتشــﮧ

بلا مقدمــﮧ نخش في الموضوع على طول .. هو مش موضوع موضوع ، مويضيع

بصراحــﮧ لقيت روحـي فاضي لا شغلــﮧ لا مشغلــﮧ قلت خليني نسترجع بعض بطولاتي في حياتي الدراسيــﮧ !

المفـروض منكتبش موضوع لين آتردوا على موضوعـي اللي فات - بصوت واحد زعلان - بس يلا النيــﮧ واصلــﮧ

طبعاً الكلام هذا قديم شويـا آيـام الإعداديــﮧ

فيــﮧ طالب مصري معايا في الفصل وذكـي .. المهم كل ما يكون عندنـا تطبيق

نـاخذ الدرج ونحطـــﮧ قدامــﮧ أو وراهـ .. آهو مرات نحصـلوا منــﮧ حاجــﮧ

المهم !

في يوم كاين عندنـا تطبيق رياضيـات .. والمادة هذي نحبهـا لله في لله

و صبيت أنا يا مسيكين بنحط درجي قدامــﮧ كالعادة

شويـا يقولـي آسمع أنـا كل مره بغششك ومبطلعش منـك بحاجــﮧ .. المره دي مش حتاخذ مني ولا حـرف

آمممم طلع في واحد من اللي معايا في الفصل دافعلــﮧ فلوووس !

واللي دفع الفلوس صبى وجاب الدرج متاعــﮧ مكاني والمصري ما قال شي !

طبعا أنا غيرت مكاني تجنباً لأي كارثــﮧ حتسير

وصبيت وقعدت بحدا واحد آخرى لكن يمشَي حالــﮧ في الغش

المهم !

تمشي الأيام وتمشي و تمشي وتمشي , ويوم من الأيام صاحبنا المصري يآخذ آلوان شمعــﮧ

ويخربش بيهن ع الصبـورة .. ومانحكيلك ع الصبورة بعدهـا

أنآ قلت آبوك يا الكونديشن .. جاتك على كرعيها

المهم ! .

درت روحي اني مش مهتم للموضوع » عشان نبعد الشبهات

طبعاً جا المدير و المدرسين و هددوا الطلبــﮧ بالدرجات والخصم

غير الإغراءات اللي جت من المدير بزيادة الدرجات للي يقول من اللي خرب الصبورة

قلت أنا » تم يا مديري الحبيب .. إعتبر إن إسم الطالب عندك توا

المهم !

عدى المدير للمكتب يستنى في الـرد

شويا أنا إستئذنت من الحصــﮧ في يوم جميل ملئ بزقزقــﮧ العصافير » للتمويــﮧ

وبدل ما نعدي للحمام .. مشيت للمدير وعزقتلــﮧ اللي هناك » والله ما فيهـا

ويشلط المصري يومهـا تشليطــﮧ فش غلي فيــﮧ ودفعوهـ فلوس حق الصبورة » اللهم لا شماتــﮧ

يعني لو انــﮧ غششني كان خيرلــﮧ

وغير هكي هذينا ممتلكات المدرســﮧ لازم نحافظ عليهن » بالله عليك

اين توفات ~

بصاص ! منوره يا آبلــﮧ

الموضوع دفنقـي ومش أي شي ينكتب معناهـا ساير في الواقع ..

وياريت المره الجايــﮧ تراعي إسلوبـك شويـا معايا

صحيتي ع التخطيمــﮧ