شتــــــــــاوي صقع جديده

كل جديد إيجد برزقه............. مالقديم الا للعزقه

اتصدق ديمه اتصدق فيهم .......عيني مازالت تبيهم

يالقديم عليش اترقع ........درنا صوب جديد امسقع

كان اتريد كلام الزبده......... عقلي طايح فيك بكبده

يالقديم طعمتك عدت........... وماعمرا اللي عدت ردت

قيسك ياعيني امظيليمه.......... تخنق فيك العبره ديمه

اطلقها تبكي نين اتمل.............اما تسكت اما تنعل

بأذن الله جديدك شاطر ...........يمسح كل اجروح الخاطر

الياس علينا موش غريب......... تمه ايجينا كي النصيب

الياس امسلمني للياس ...........بعد هكي تمرميد خلاص

اقسامي مادارنشي خير........قديم عطنه فيد الغير

موش امغير حسوفه نقه....... فيد الغير عزيز انحقه

قيسك ياعيني امظيليمه.......... تخنق فيك العبره ديمه

أكيد كنها ما تقعد هك أمنور خوي مهند واللهي موضوعك أمنور المنتدى

.....((ماني قديم لحد,,ولالي جديد نقسم معاه الود,,,,,مرتاح خاطري))
,,,,,,,,,,,,,امنور مهند ,,بس انت تشوف نفسك في اي وحده فيهن؟؟؟؟

...................جوبيتير وين التفاؤل هذا عطينا منه شوي Razz

أي خدمه ما عندكش مشكله قولي كم تبي ونا حاضر

الياس امسلمني للياس ...........بعد هكي تمرميد خلاص
كان اتريد كلام الزبده......... عقلي طايح فيك بكبده

يسلمووووو مهند

كل جديد إيجد برزقه............. مالقديم الا للعزقه

هذي توا اسمها شتاوه
هه

لا تفهموا وااجد
ههههههههههههههه

السلام عليكم
الصراحه انا فى التراث الليبى ما نفهمش
بس ان كانت غناوه او شتاوه او ايا كانت فكانت مشاركتك حلوه يا مهند
ويا عقرب
ممكن تنبه على الفروقات بين الغناوه والشتاوه بس باسلوب حضارى وفكر نير
وتكون تكرمت علينا بموضوع فيه شرح للتراث الليبى فى الغناوه والشتاوه الخ
مش ترمى لنا بفتات من كلمات مستعاره من العاميه الشعبيه الساخره
رجاءاااااااااااااااااااااااااااااااا
يبدو ان الاناء نضح بما فيه ارحم نفسك قبل ان ترحمنا

خطيوني ايام امرضي واليوم في عافيتي روحوا
امنوووور مهند امنور بجد Very Happy

_ ايقلب في كبدي تقليب قديم وحظي فيه عطيب ..