آسف,,هل تكفي؟؟

[center]احياناً نتعرض لمواقف مؤلمة..

ومن اعز الناس...وهذه المواقف تبقى بمثابة الجرح الدامي الذي كلما

تذكرته سالت دماء جرحك من جديد

ولكن!!!!

حينما يأتيك انسان عزيز عليك..وقد تسبب في جرحك مسبقاً

ولكنه الآن نادم على مافعله واحسست بمصداقية مشاعره

لكنه تسبب لك بما يكفي من الألم والحرقة ليبقيك وحيداً عاجزاً عن الإستمرار في العطاء
حينها هنا السؤال!!!!!

هل كلمة آسف تمحي الجرح؟؟؟؟؟؟؟؟؟؟

, ,,,,,,,اريد رأيكم ,,وهل ستكفيكم كلمة اسف؟؟؟؟؟؟؟؟

[/center]

.....

بالنسبه لي
اظنها لاتكفي
لاني سبق وتعرضت لمثل هذا الموقف
وعندما تاسف الي ............سامحته
ولكن ما ان اغمضت عيني حتي اراه يعيد الكره
لكن الناس مش كيف بعضهم
ممكن صاحبك اوفي من صاحبي
هذا رائ فقط
والشاطر لا يلدغ من الافعه مرتين
فاهمه قصدي
تقبلي مروري

مشكووور ابن درنه ,,بالنسبه ليا انا اني ننسي صعب بس انسامح وكلمه اسفه ممكن تكفيني,, ممكن
......
يقولو ,,,,,,,اذا خدعك شخص مره فهدا خطأه ولكن ان خدعك مرتين فهذا خطأك,,,,,,,,

انت شن رايك؟؟؟؟؟

انك تسامحي عادي هذا الشي يرجعلك
بس انك تقبلي الاسف الله اعلم
ايش اللي ح يكون بعده

والغلطه الاولي غلطته
والثانيه اكيد ح اتكون غلطتي

وبصراحه اي شخص يغلط امعاي حتي لوكان سامحته مش ح انكون بنيه صافيه معاه
لاني حاط في بالي انه احتمال يغلط مره ثانيه
والجرح فوق الجرح واعر وما يداوي
شوي الغلطه الاولي وايش صار فيك
كيف ح تكون الثانيه

مادام انا ماغلطت امعاه ليش هو يغلط
انا ياما بكيت الليل منه
هو راقد متريح وهني
انا ياما صارلي احباط نفسي
وهوالغرور ماليه اشوي
ياما فكرت فيه وفي ايامه
وهوولا مره جابني في باله
بالله عليك كيف ح اتكون العيشه معاه
انعدمت الثقه
الطرفين خايفين
الاول خايف من الغلطه الثانيه
والثاني خايف من الغلطه الاولي

بالعامي
الاول ماعنده في الثاني ثقه
والثاني خايف من الاول يردها له

اللي اتخطاك خير ماتصيبك
صدقيني اذا كان الشخص اللي تحبه في يوم جرحك
صدقيني ولا عمره ح يفرحك

اكثر من هكي
ما عندي
شكرا وتقبلي مروري

كا ن الأسف أنقالك من شخص هو أبطبيعتا طيب والغلطه إلي دايرها أو الجرح إلي دايرا لك مش أبقصد غصبن عنا أو مش فطن أنا غلط وجا طلب من السماح يعني جاك بنيه طيبه وصافيه ممكن أتسامحي هذا بالنسبه لي أنا لكن علي قول أبن درنه تأخذي الحذر منا بس بس أنا ما أنيدش أني أتكون نيتي مش صافيه أمعاه طالمى هو تأسف وأعتذر وعرفا غلطه خلاص أنصفي نيتي إمعاه مش أنجامله لأن كان تبي اتجامله من الأول ما أتسامحش
تبلي مروري خ

صدقوني مافيش شخص اعزك ويحترمك اسسببلك جرح
وكلمة اسف القصه ما بعد اسف هل تقدر تعامله كما كان قبل الجرح
متأكد ان العلاقه مستحيل تكون كما كانت
شكرا اوتي موضوع في محله

بصراحه علي حسب لو كان الشخص انحبه وانعزه ونحترمه زي اهلي وصحابتي وباقي الناس الطيبه زيكم مثلا عادي جدا ممكن نرد ونحكي معاهم حتي قبل كلمه اسف
ومانرجي كلمه اسف بكل المسامح كريم ولو كان الموقف صاير كم مره الحياه مش مستاهله مرات واحد تزعل منه اليوم يلي بعده ما اتطق تشوف حتي وجهه
ولكن لو كان مثلا انسان علاقاتي بيه سطيحه بكل توا انشوف علي حسب درجه صعوبه الموقف وعمق الجرح
وبعدها ساهل ممكن انقول مسامحه عادي بس معش نبي نشوف وجهك بالجو ولما اتجي اتشوف الرسول عليه السلام اعظم منا كلنا يسامح وربي يسامح نحن العادين مانسموحش وااجد
هكي وانا ثبتت واجهتي نظري اخري بعده قريت موضوه فوائد التسامح هنا في المنتدي
وربي ما يجيبلك الزعل كلكم ومع انا الحياه قصيره تنمالكم تعيشوها بسعاده وسرور ومحبه
وانتلاقوا في الجنه كلنا امنووووره اوتي ع الوضوع اللطيف زيك
سلامي flower

عارفا أختي روز أسف ما زلت علي أسمك لولي بس أنتي كفيتي وفيتي في ردك هذا أمنوره والله انا أنظم ردي إلي ردك امنوره

ابن درنه نا معاك في ان الجرح فوف الجرح واااااعر .. ولو حتكمل حياتك معاه وانت خايف من انه يكررها فبلاش منها خير ,,,,, وربي ما يجيبلك جروح
,,,,مشكووووور

امنوووور جوبيتير ,,,كلامك في وجهه نظر صح المجامله مفش داعي لها
....... Smile

يا خ
,,,,,,,,,,,,,,,,,,,,,

كلمه حق ممكن تكون تعز الشخص وتكون متخيل انه يعزك بس بعد ما يجرحك اكيد الحسابات كلها حتغير
والشكر لك

.............
روز صح التسامح مبدأ حلو بس في اشخاص تكتشف انهم ميستاهلوش ,,
ولو حتقول انك مسامح وانت مازلت شايل منه هذا يكون رياء ,,
مشكوره روز وربي ما يجيبلك زعل

اولا مششششكوووووووره على اللفته الحلوه لهذا الموضوع
راى ان كلمه اسف لاتقال لاى حد ولا لكل احد
ولااكتفى بها من اى احد
لو اكتفيه بكلمه اسف بدون عتاب وخصام هذا دليل انها لم تشغل بالى ولن تشغل بالى هل اكتفى باسف اولا؟؟؟
ولم اتفاجئ لانى كنت انتظر اى موقف ولم تكون فى اصل عزيزه الى قلبى حتى تسبب فى جرحه .......ا وحينها اكتفى باسف بدون حتى بدون رده فعل وتفكير ...ا
ولكن حين اكتفى بكلمه اسف يكون مع عتاب وخصام وتفكير طويل لماذا وكيف فعله هذا الموقف بى؟؟؟
واتفاجئ وتشغل بالى ماذا افعل بدونها هل اكون سعيده بدونها ؟؟حينها تكون جرحتنى ولن اكتفى بكلمه اسف فقط
لان الاعتذار ليس بكلمه اسف فقط ..ولا بكم مره تقال ..بل بالفعل وتانيب الضمير والعشره الطيبه....ا
آسف,,هل تكفي؟؟ Icon_flower

معاك حق يا شلالنا ,,واعتقد ان من من صدرت كلمه اسف له تأثير ,, في اشخاص لا تملك الا ان تقبل اعتذارهم ,, ممكن لأجلك او لأجلهم او لأجل حاجات حلوه كانت بينهم ,,,..؟؟؟؟

عارف يا بوزة ان الكلمة الوحيدة الا منقبلش انقولة هى الاسف عارف ليش لانى منحبش نغلط عشان منحبش انتأسف بس فى نوعين من التأسف
الاولة :ـوهو المقبول لان الجرح جاء بطرقة غير مقصودة
والثانية :ـوهى الغير مقبول لان تعمد فى ذلك الجرح
وتقبل ردى على موضوعك بكل روح يا بوزة

ردك اكيييييييييد انا سعيده بيه ,,,بس لو حد جرحك وتأسفلك ممكن تقبل اسفه ؟؟ وتنسي الجرح ؟؟ حتي لو كان شخص عزيز عليك ؟؟؟
,,,وهل ممكن شخص يجرحك من دون قصد؟؟؟؟؟؟؟؟

أولا أحب أن أبديأعجابي بموضوعاتك

ثانيا أشكر علي زيارتك العديده لمواضيعي

ثالثا كلمة أسف وحدها لا تكفي المهم هو أن لا نعود للخطئ

يقول رسول الله صلي الله عليه وسلم

(كل لآادم خطاؤون وخير الخاطؤون التوابون)

وشكررررررررررررررررررررراااااااااااااا لك وجزيل أعجابي بموضوعك

شكراااا ميدو ,,,,,,,,,,,, زياراتي العديده لمواضيعك لسبب واااااحد وهي انها متميزه فعلا ,,,وكنا في حاجه الي طرحها ,,,,

مع دائم شكري ...

موضوع: رد: آسف,,هل تكفي؟؟ الأحد مارس 07, 2010 6:42 pm

والـلـــــــــــــــــــــــــــــــــــــــه

ماتكــــــــــــــــــــــــــــــــــــــــــــفي

موضوع: رد: آسف,,هل تكفي؟؟ الأحد مارس 07, 2010 9:34 pm

اسف متكفيش ..لاني لو قلت اني مسامحته حنعيش طول عمري وانا متوقعه يعود الشي اللي داره
هكي انا حنتعب وحنتعبه ..