منتدى شباب درنه
سجل معنا فى منتداك منتدى شباب درنه
أول منتدى درناوى على النت

منتدى شباب درنه

يدا بيد للابداع...... للوصال..... للمحبة..... للسمو..... للنجاح..... للطريق السامى ..... منتدى شباب درنه منتدى ليبي درناوى
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  ياعاصى تب الى اللهياعاصى تب الى الله  

للإبداع و التميز عنوان واحد .::. منتدى شباب درنه .::.

دعوتنا للجميع دون تحيز و دون تملق نسعى للأفضل لنكون الأفضل

منتدى شباب درنه أول منتدى درناوى على النت
رابط إحصائيات الاعضاء http://derna.all-up.com/stats.htm
الان منتدى شباب درنه على الفايس بوك ادخل على الرابط http://www.facebook.com/groups/ShababDerna/
بحـث
 
 

نتائج البحث
 
Rechercher بحث متقدم
المواضيع الأخيرة
» وييييييينكم يا هووووووووو
الجمعة أغسطس 29, 2014 12:59 am من طرف طرابلسية حرة

» بعد غياب سنين
الثلاثاء فبراير 25, 2014 2:24 am من طرف اوتي91

» أفكارنا هي السبب الرئيسي لأمراضنا
الخميس يوليو 04, 2013 10:37 pm من طرف وليدو الحلو1

» نداااااااااااااء لأعضاااااااااء المنتدى
الجمعة مايو 31, 2013 4:47 pm من طرف درنيسيه حره

» لعبة الغناوي..
الجمعة مايو 31, 2013 4:44 pm من طرف درنيسيه حره

» أتمنى ... <عودتكم>
الجمعة مايو 31, 2013 4:36 pm من طرف درنيسيه حره

» الله يرحمك يا يام
الجمعة مايو 31, 2013 4:34 pm من طرف درنيسيه حره

» الى كل عضو وزائر تفضل بدخول....ولن تندم..أن شاء الله!!
الجمعة أبريل 26, 2013 11:46 pm من طرف رضا عمر

» وينكم يا اعضاء المنتدي
السبت فبراير 02, 2013 10:14 pm من طرف جوبيتير

احصائيات
هذا المنتدى يتوفر على 2551 عُضو.
آخر عُضو مُسجل هو أحمد القائدي فمرحباً به.

أعضاؤنا قدموا 48261 مساهمة في هذا المنتدى في 4032 موضوع

شاطر | 
 

 لو تميت مسؤل شنو أول حاجة اتديرها لدرنه؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قهر
عضو


عدد الرسائل : 29
العمر : 28
SMS : ياأمة لست أدرى ماأقول لها..وهل سيسمع ماأمليه وسنان!!!إلى متى نكتفى فى كل معضلة..بنظرة الحزن..لا لن تجدى أحزان..لن يرجع الحزن ماقد ضاع من أمل..بل سوف يقضى على الأحزان نسيان..لن يرجع الحزن أبناء لناذهبوا..ولن ترد لأجل الحزن أوطان..عودى إلى منهج كنتى به علما..يعلو الرؤس كما تعلوه تيجان
ألدوله :
تاريخ التسجيل : 22/02/2010

مُساهمةموضوع: لو تميت مسؤل شنو أول حاجة اتديرها لدرنه؟   الثلاثاء مارس 23, 2010 10:01 pm

درنه هى عالمنا...عشقناها...وأحببناها
درنه تحمل كل معانى الحب والدفئ والجمال
درنا هى عروسنا ومهما قلنا عن درنه لن نوفيها حقها
يكفيك اسمها ليشعرك بمكانتها قل أنا من درنه وأنت مرفوع الرأس...........لكن!!!!
درنه ينقصها الكثييييييييييييييييييييير لتعود كما كانت..لتعود ألرونقها وعهدها القديم..لتعود لجمالها الذى سلب منها
غصبا...كل شئ فى درنه لم يعد كالسابق...ولن أسامح من كان سببا فى محى جمال عروسنا
ولقد ابدع الشاعر مصطفى الطرابلسى فى وصف حال درنه حين قال


عظم الله ياخوى أجرك فيها ...درنه انتهت واتريد من يرثيها
درنه كانت..طفلة جميله بالدلال ازدانت..من ظلم ياما ومن مصايب عانت..التاريخ يفخر وين ما يطريها
وماعمرها للغزو ليلة لانت...جيوش عاتية انهزمن على شاطيها
فى ثوب بالى اليوم تبكى بانت...لا ورد لايسمين فى واديها
على ناسها سبحان توا هانت...رجال غير فى ذكرى زهى ماضيها
خانوا عربها ماالدنيا خانت...وبالكذب والتزوير عاثوا فيها
شوف بحرها..وجول فى شوارعها وشوف حفرها
جف الشذى وماتن أغصان شجرها...خلاص انتهت قول السلام عليها
وأصحى مالعلالى يخدعك منظرها..سحابه زايفة قطرة نما مافيها
خسارة كبيرة والربيع خسرها...مأساة درنه اتطول لو نحكيها
ومهما بالكلام انقول ماانصورها...وختام الكلام الله يلطف بيها
عظم الله ياخوى أجرك فيها

لكن نا معترضة مع الشاعر فى انه قال انتهت باذن الله درنه قاعدة ومش حتنتهى
مادام نحنا فيها طولت عليكم لكن نبيكم تحسوا اللى حاسة بيه
سؤالى هو:لو جاتك فرصة انك تكون مسؤل كبير عنده صلاحيات أيش اتدير عشان تنقذ اللى باقى من درنه؟
الرجوع الى أعلى الصفحة اذهب الى الأسفل
قشعراني
عضو مشارك ممتاز


عدد الرسائل : 3073
العمر : 25
العمل/الترفيه : طالبه
المزاج : الحمد لله
SMS : كفاني عزا أن تكون لي ربا
و كفاني فخرا أن أكون لك عبدا
أنت لي كما أحب
فوفقني إلى ما تحب
........
اللهم ارزقني حبك وحب من احبك
وحب عمل يقربني الي حبك
ألدوله :
تاريخ التسجيل : 14/02/2010

مُساهمةموضوع: رد: لو تميت مسؤل شنو أول حاجة اتديرها لدرنه؟   الأربعاء مارس 24, 2010 4:02 pm

اول حاجه انديرها انسقم المؤسسسه
اللي انا مسكتا "يعني انحول السراقه وامتاعين الواسطه "
وبعدين انشوف صلاحياتي وما نقدر انديربيهن
ومشكور قهر علي الموضوع وبصراحه السؤال صعب لان شنبي انسقم واشنبي انخلي يستر علينا صاحب الستر وخلاص
الرجوع الى أعلى الصفحة اذهب الى الأسفل
ابن درنه
مشرف القسم الرياضى


عدد الرسائل : 1668
العمر : 30
الموقع : الساحل الشرقي
العمل/الترفيه : طالب
المزاج : علي كيفك
SMS : معروف للزين اوصاف وكل حلو عنه امواير
والقلب كان فاقد اولاف يدور عليهم وحاير
ملهوف فالارض طواف ضاقت عليه الدواير
جالدرنه بعد ماصاف هلن عليه البشاير
القي ناس صافيين وانظاف
اصحاب صوب قولهم ثماير
حس بالونس بعد ماخاف
وعاش في زها وليل ناير
ألدوله :
تاريخ التسجيل : 08/09/2009

مُساهمةموضوع: رد: لو تميت مسؤل شنو أول حاجة اتديرها لدرنه؟   الأربعاء مارس 24, 2010 6:41 pm


نحكيلكم وبدون زعل
درنه سبب خرابها
انها استقبلت ناس من بره
وعطتهم بس هم جوضدها
وخربوها ودمروها

عائلات درنه معروفه
واهلها معروفين
وتوا تلقاهم زي ماهم
محترمين ومازلو يتحشمو
ومازال فيهم الخير

نحكي علي نفسي لوكان نملك سلطه علي درنه
انظفها من الغرباء من السارقين والمنبوذين
الذين ساهموا بمقدار كبير في دمار المدينه


هل تعلموا ان درنه المدينه الوحيده
في العالم ترجع الي الوراء
من مدينه العقول والمسرح والتعليم والتراث
الي العصر الجاهلي
الناس تتطور ونحنا للوراء

شكرا قهر
وفعلا حال درنه حاليا يقهر
بس ان شاء الله خير
وباذن الله ترجع درنه
احلي واجمل وارقي مدينه

الرجوع الى أعلى الصفحة اذهب الى الأسفل
قهر
عضو


عدد الرسائل : 29
العمر : 28
SMS : ياأمة لست أدرى ماأقول لها..وهل سيسمع ماأمليه وسنان!!!إلى متى نكتفى فى كل معضلة..بنظرة الحزن..لا لن تجدى أحزان..لن يرجع الحزن ماقد ضاع من أمل..بل سوف يقضى على الأحزان نسيان..لن يرجع الحزن أبناء لناذهبوا..ولن ترد لأجل الحزن أوطان..عودى إلى منهج كنتى به علما..يعلو الرؤس كما تعلوه تيجان
ألدوله :
تاريخ التسجيل : 22/02/2010

مُساهمةموضوع: رد: لو تميت مسؤل شنو أول حاجة اتديرها لدرنه؟   الخميس مارس 25, 2010 2:51 am

مشكورة قشعرانى لأنك أول من دخل على موضوعى وكل حد يبدا بنفسه توا نمشوا لاقدام باذن الله
الرجوع الى أعلى الصفحة اذهب الى الأسفل
قهر
عضو


عدد الرسائل : 29
العمر : 28
SMS : ياأمة لست أدرى ماأقول لها..وهل سيسمع ماأمليه وسنان!!!إلى متى نكتفى فى كل معضلة..بنظرة الحزن..لا لن تجدى أحزان..لن يرجع الحزن ماقد ضاع من أمل..بل سوف يقضى على الأحزان نسيان..لن يرجع الحزن أبناء لناذهبوا..ولن ترد لأجل الحزن أوطان..عودى إلى منهج كنتى به علما..يعلو الرؤس كما تعلوه تيجان
ألدوله :
تاريخ التسجيل : 22/02/2010

مُساهمةموضوع: رد: لو تميت مسؤل شنو أول حاجة اتديرها لدرنه؟   الخميس مارس 25, 2010 2:54 am

ابن درنه كلامك صح فى صح انت شاب وتقدر اتدير حاجات وااااااجد لدرنه لان صلاحياتك اكبر تقدر تتفق مع اصحابك واتديروا حاجة لعروستى ان شاء الله يكون اللى نبيه يوصل وصل ابن درنه نبوا همة الشباب فهمتنى نبوا الموضوع يكون بداية لخطوات جاية وشكرا على مرورك
الرجوع الى أعلى الصفحة اذهب الى الأسفل
سهرايه
عضو مشارك ممتاز


عدد الرسائل : 539
العمر : 32
الموقع : اعيش معك تحضننا ام الدنيا
العمل/الترفيه : سهارى وسهر
المزاج : طالما معك \عال العال
SMS : اننى امتلك الحياه لانك عماد الحياه
احبك
نعم
ساقولها
ألدوله :
تاريخ التسجيل : 25/10/2009

مُساهمةموضوع: رد: لو تميت مسؤل شنو أول حاجة اتديرها لدرنه؟   الخميس مارس 25, 2010 4:15 pm


السلام عليكم
اول حاجه ممكن نعملها لما نمسك درنه

اها
لقيتها
مشهر باللى مسكوا درنه من قبل وسرقوها وخلوها ادنى مدينه فى ليبيا
تسالنينى ليش التشهبر
لان العرب تخاف ما تجيش بالذوق والاحترام
وتقولى لى الناس مش كلها كيف بعضها
نقولك بس الغالب هم الناس السيئين
وطبعا بعد التشهير بيهم وسلبهم اموالهم اللى هى اصلا ملك للدوله
الناس اللى فى فكرها انها تسرق من جديد تعتبر وتخاف
وطبعا من خاف سلم
انما اول حاجه او مرفق حضارى نعمله لدرنه
متنزه ومول راقى وفخم فيه كل الاحتياجات واللوازم العامه
واكيد نحاول ننظف الطرق ونهتم اكثر بامر المستشفى اللى اكل عليه الدهر وشرب
شكراااااااااااااا قهر
موضوع ولا اروع
درنه تحتاج الى من ينقذها جداااااااااا
الرجوع الى أعلى الصفحة اذهب الى الأسفل
مايكل سكوفيلد
عضو مشارك ممتاز


عدد الرسائل : 5166
العمر : 25
الموقع : درنه
العمل/الترفيه : طالب
المزاج : دائم الهدوء
SMS : .





إني خيرتكِ .. فاختاري
ما بين الموت على صدري
أو فوق دفاتر أشعاري
إختاري الحب .. أو اللاحب
فجبن أن لا تختاري..
لا توجد منطقة وسطى
ما بين الجنةِ والنارِ ..

ألدوله :
تاريخ التسجيل : 08/01/2010

مُساهمةموضوع: رد: لو تميت مسؤل شنو أول حاجة اتديرها لدرنه؟   الخميس مارس 25, 2010 4:48 pm

السرقه
الاغلبيه تسهري علي السرقة

و كل واحد يمسك

يسرق نين يشبع و بعدين يحولوه

و ما يحولوه لغايت ما يمسك اولاد عمه اهم المناصب

و هم مرات اصلا من غير شهادات مؤهله

يعني لتغيير درنه لا نحتاج الي قرار او اثنين

نحتاج الي خطة عمل علي المدي الطويل

لانه حتي من اخطائنا اننا نريد النغير السريع و ليس هناك ما يتغير بين يوم و ليله

لكن ... لو في قرار ممكن نتخذه هو اني نبني مركز شرطه في وسط البلاد و يكون مجهز باقوي الاسلاحه
لان معلش سامحوني في ناس ما تمشيش بالضرب
و توا الشرطه بروحه تبي من يحميها

و القوات الي في المركز تكون من بره درنه عشان ماحد يعرف حد

و القانون يطبق علي الجميع

سامحوني لو طولت عليكم
لكن هذي درنه

درنه الي كلنا نحبوها لانها بلادنا و مدينتنا الي تربينا فيها و عشنا فيها


و السلام عليكم
الرجوع الى أعلى الصفحة اذهب الى الأسفل
قهر
عضو


عدد الرسائل : 29
العمر : 28
SMS : ياأمة لست أدرى ماأقول لها..وهل سيسمع ماأمليه وسنان!!!إلى متى نكتفى فى كل معضلة..بنظرة الحزن..لا لن تجدى أحزان..لن يرجع الحزن ماقد ضاع من أمل..بل سوف يقضى على الأحزان نسيان..لن يرجع الحزن أبناء لناذهبوا..ولن ترد لأجل الحزن أوطان..عودى إلى منهج كنتى به علما..يعلو الرؤس كما تعلوه تيجان
ألدوله :
تاريخ التسجيل : 22/02/2010

مُساهمةموضوع: رد: لو تميت مسؤل شنو أول حاجة اتديرها لدرنه؟   الإثنين أبريل 05, 2010 1:53 am

سهراية,مايكل سكوفيلد,مشكورين على كلامكم وانت مايكل وسع بالك حسيت بيك شوى وتطلع مع الكلام من عصبيتك لكن والله كلامك كله صح درنه تبيلها خطة طويلة المدى
وسبب طرحى لموضوعى ان نحنا الشباب وفى ايدينا بكرا وباذن الله كل حد حيكون عنده اطفال ياريت نربوهم على الافضل اكيد نقدروا نغيروا لكن ناخذوا الامر بجدية
ياريت كلامى يوصللكم
وسامحونى لو طولت عليكم
الرجوع الى أعلى الصفحة اذهب الى الأسفل
 
لو تميت مسؤل شنو أول حاجة اتديرها لدرنه؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب درنه :: المنتدى العام :: منتدى المربوعه الدرناويه-
انتقل الى: