والله مالقيت الاجابة...

لماذا اهالى درنة وشبابها مبتدعدين كلياً عن المدينة وانا واحد منهم (يعنى قاعدين فيها وما يطلعولهاش واجد )؟

اللى ايشوف الموضوع توا ايقولك سؤال عادى لكن لما اتجى وتشوف تلقا الموضوع اكبر من هكى ...

لكن ياريت الاجابة وبكل صراحة ( يمكن ) نلقو الحل... scratch

بسمك اللهم
والله معاك الف حق
بس السؤال ابدا نش عادى
لانه سؤال جاء على اصل الموضوع
بس ممكن تسمح لى انى نسالك سؤال
بعد اذنك وين ممكن انت كشاب تطلع فى درنه
اما تمشى رحله( زرده) وطبعا تطلع كرسه والا راس الهلال والا قهوه وما ادراك ما قهوه
هذا وانت كشاب ومش لاقى مكان تطلع له فى درنه
اذا النساء والاطفال والكبار فى السن وين ممكن يطلعوا فى درنه
مافى ولا اجابه
لانه بين قوسين لايوجد مكان مميز ونظيف وممتع تقدر تطلع له فى درنه
درنه الله يكون فى عونها
تقبل مشاركتى البسيطه
وموضوع يحتاج الى نقااااااااااش
مشكور جدا

اول شي منووور ع مشاركتك الرررائعه
ثاني شي كلام سهرايه صح انتو شباب تطلعو تغيرو جو تشتغلو
تطلعو زرده وين ماتحبو وهذا كله وتقولو كساد وماعندنا وين نطلعو
يعني الاسر ماعندهم وين يطلعو
الا كان طلعو في يوم جمعه زردده واو برمه خفيفه في سياره
ويروحو
لان درررنه مافيهاش اي مكان للعائلات وحتى كان في حايبقى مش حلو ناس تمشيله لان نحن اول مانديرو حاجه
يخربوها ناس بصرفاتهم وبمشاكلهم وبعدين احسن حاجه ان واحد يبقى مسكر على روحه في حوشه
لان بجد درنه تبي هك لان عرب يبحتو في بعضهم وااجد
وبعدين درررنه ناسها الاصلين توا هما القله ولباقي تلقى اشكال غريبه
ولبلاد تمت مخلطه لواحد حتى يخاف يطلع سوق
ربي يكون في عونا صدقتي سهرايه

يسلموووو خوي سكريم

اول شى مشكورين على المشاركة وابداء الرأى
انا ماننكر ان نحن الشباب اول مااتضيق نطلعو زرادى ونغيرو فى جو وان البنات او بالأصح العائلات مالهم اى مكان ومش دايريلهم اى شئ يخصهم فى هذة المدينة
لكن توا انجو لى موضوع الشباب اللى اتفقنا ان وقت مايبو ايديرو اى جو ويطلعو لأى كافتيريااو يطلعو زردة
لكن معقولة انا كشاب يكون المكان اللى انتنفس فية وانتلاقه فية مع الاصحاب يكون ياراس الهلال يا كرسة
معقولة بدال مانلقا مكان يكون وقت فراغى اندير حاجة فيها فايدة للمدينة امتاعى، يكون وقت فراغى فى الخلاء يعنى لاإفادة ولا إستفادة، معقولة يكون وقتى امغير فى الكافتيريا عشان يااندخن شيشة ولا عشان انمشى الوقت فيها
لكن عادى مانزعلوش عارفين عليش؟
لان لو دارو الحدائق واهتموا بالشباب والعائلات الراتب اللى بعد الراتب ينقض ، يعنى ياشباب ماتزعلوش
وبعدين موضوع البلاد: قسماً بالله البلاد لما تمشى فيها تشتهى اتشوف واحد تعرفا علشان اتقولا خير
بينى وبينكم ال............. خشو علينا واى مكان فى درنة بدال ما يعطو الاسبقية لاهالى درنة انهم يكونو فية يعطوة لضنا عمهم
عشان هكى تمت البلاد ل........م........د
والله نحكى من القهررررررررررررررررررررر

تحياتى

توا لما اتجي شارع الفنار تشاهد اشخاص عمرك ماحقيتهم
لا اسلوب ولا شكل بالله عليك مش تقع في الحوش خير
الملخص المفيد توا درنه مش لنا
وربي اعين درنه علي هلها

اول حاجه مشكوور علي موضوعك سكريم فهو موضوع يحتاج فعلا الي نقاش

تانيااا توا درنه وين فيها الواحد يطلع

تطلع لشارع الفنار تسنكح فيه ( اسف للتعبير )

او وين الواحد يقدر يمشي

و درناويه معها حق كان نحنا الشباب ما عندنا وين انعدو

املا العائلات وين عندهن يطلعن

لازم يوفرو اماكن او حدائق عامه او حتي خاصه و يكون الدخول بمبلغ رمزي
بس يكون مكان نظيف للعائله يقدر الاب يجيب عائلته و يرفه عن نفسه فيه

أوكي

باه يا جماعه ليش ما نديروش حملة توعيه بلنسبه للبنات والشباب عليهم اول شي يحيدو الانفه والغرور
علي جنب ونبدو بلتنضيف يعني في الجامعات والشوارع اي شي نلقوه طايح نطوحوه في الكناسه ومثلا
اي مجموعه من الشباب عندهم حديقه في الشارع (سانيه) ينضفوها يعني نحاولو نحنا ليش لا

عموما مشكور سكريم علي الموضوع المميز وسامحني لو اطلت الحديث

الله فكره جميله جدا قشعراني
و اعتبريني

نا اول واحد ننظم لهذه الحمله

ســــلام
مشكورين على ابداء الرأى وعلى الردود التى نلتمس منها ان مدينتنا وعشقنا درنة لايزال بها من هم فى اسى على مافعلة الزمان فى حقها
ويا اخت قشعرانى ويا اخى مايكل
لو كان الموضوع موضوع تنظيف واهتمام والله ما طرحت هالموضوع نهائى لكن انا نحكى على اللى مش حتنظف بكل انا نحكى على اللى مشوهيين سمعة البلاد من اشكال وتصرفات وافعال مسيئة بأهل درنة اللى يفتخروا وانا واحد منهم انهم منها
ويا اخت قشعرانى نستأذن منك وناخذ من ردك الجميل كلمة الانفة اللى نحنا واقعيين فيها وقبل مانحكى خلينا كل شخص شارك فى الموضوع او يشاهد الردود ان يراجع نفسة فى حق ابناء او بنات مدينتا وكيف هو يشوف فيهم وكيف يتعامل معاهم سواء فى الجامعات او المعاهد او حتى فى المدارس
ونخلوة موضوع طلع من موضوع

اول شي
السلام عليكم
ونبي نقعد معاك صريح
وهو اني كل ما انشوف الموضوع
انحاول التهرب منه
ليس لغرض معين
بل لاني انا لوكان حكيت
مش ح نسكت وياما شايل لدرنه

اسمعي خوي
الاراء متشابهه كلنا يعرف
من هم سبب الخراب في درنه
اذا كانو هم بنفسهم يعلمون ما فعلو بدرنه
يعني الموضوع تمئ عيني عينك
سرقه ونهب وخراب
(فقش )

وانقولك شي
وكان يسرق ويسكت
لكن ايقولك اصل اهل درنه نحنا
يعني وقاحه بعد هكي مافي
اجمل شي ان التاريخ ما ينسرق

بصراحه خوي كان تمت درنه
علي نفس المنوال
صدقني توا تبقي كيف عمارات صداقه توا
يعني بالعربي تنتهي

ياريت هلها ونا سها يغيرو عليها ويفتحوا عيونهم عليها
وايشوفوا المسكينه شن ساير فيها
وكيف تم حالها
من عروس المدائن الي عجوز المدائن

والسلام ختام
وانا قلت هكي لاني نبي نسكت وخلاص
لان الكلام ما يدير في شي
انحاول انخلي مجهودي للفعل

امنور .....بوعلي
موضوع رائع
وممتاز
درنه تنجب الرجال
مثلك فلا تكثر من الخوف عليها

لو كان الكلام يجيب فايده رانا مش حنسكتوا لكن احكوا علي الموضوع هذا لغايت الصبح كان حد رد عليكم

و بعدين النظافه شي مهم عشان منظر المدينه

توا عدي شوف اقرب حاجه

الكورنيش من جيهة الفندق ( سوق الخضره

عدي شوف بنته و العف الي فيه و القتاطش الي يلعبن غادي

اول شى امنور يا ابن درنة وانا استغربت انك ماوضعت رد فى الاول لكن كنت عارف انك شفت الموضوع وانراجى فيك اترد
ونحب انقولك المسألة مش مسألة خوف بس الموضوع انك لما تحكى مع اى حد سواء الوالد او الوادة او اى شخص كبير فى السن ويحكيلك كيف كانت درنة جميلة وكيف كانت معاملة الناس فى بعضها وكيف كانن الحواشين مفتوحا طول الوقت على بعضهم ومافيش من يسرق ولا ايبحت فى بنت عيت افلان اوهى اتسيق ولا فى حد ايرافق واحد اول مرة ايحق فيها المدينة ويقعد طول الوقت امعاة علشان السيارة والفلوس ويقعد يغلط قدامة فى البلاد ويغلط فى شبابها وبناتها وهو مبسوط على الاخر
يا خوى ابن درنة من فترة لما تلاقينا سألتنى وقتلى وين يا بوعلى مختفى انا حكيتلك نفس المو ضوع او البعض منه لانى والله انا كيفك واجعنى الحال اللى خلانا نحن اهل البلاد حتى المشى فيها ماعاش نبوه علشان مايسمح اى سبب من الاسباب ان يكون فيه اى اختلاط بيهم
وانت عارف من
وبالعكس نحن لما انتعمقو فى الموضوع يمكن اتكون فى ثمرة خير
امنور خوى مايكل بالعكس المفروض انت اتقول من الضرورى نحكو فى الموضوع عارف ليش علشان انا وانت وكل شخص درناوى ايكون فى بعض الاحترام و الود والخوف على بعضنا علشان ماايجى اى حد ويلعب فيها كيف مايبى
وصدقنى انت لما تفهم الفكرة اللى نحكو عليها توا اتقول الموضوع موش موضوع نظافة بس

تحياتى

امنور مايكل علي الانضمام ثانياscreamانت حكيت علي المعامله ليش ما نبدوش بارواحنا
يعني مش نقعدو ننقدو بس انا ما نبيش انثقل او انضر عليكم لاني حتي شر منكم في النقد
يعني المفروض نبدي بروحي ليش ما ننصحو اللي نشوفوه ايدير حاجه غلط بدال النقد
او التخزر وبعدين حتي المنضر يعبر علي الناس اللي قاعدين في المكان زي ما حكا مايكل
عن الفندق والله خماج وآسفه علي اللفظ المهم بارك الله فيك screamوهذا دليل
علي ان درنه مازال فيها خير مدام فيها ناس يفكرو فيها ويحبوها

مشكورة قشعرانى
انا ذكرت ان لابد ان نحن انغيرو من انفسنا بس بمعنى اخر
انا قلت انشوفو معاملتنا فى الجامعات والمعاهد
المفروض اللى نوصلولا ان شباب البلاد وبناتها ايكونو على افضل شكل فى المعاملة مع بعضهم
علشان ماانخلوش اى دخيل ايخش بين عرب البلاد

تحياتى

الشكر لك scream علي طرح افكارك
لان والله فيه ناس يديرو في حاجات نين اتحشم اتقول هضم من عرب البلاد
خبر يقهر تهيالي البرانيه خير منهم عشين هك انقولك ان اهم شي المعامله
ونحنا في الجامعات والمعاهد انمثلو في مدينتنا قدام الدكاتره الاجانب وقدام
اللي في الداخلي يعني المفروض نعطو طابع كويس علي عرب درنه
مش انزيدو علي هم الزمان اهموم امعايا والا لا

كلامك واقعى وجميل جداً

والناس اللى انتى اتشوفى فيهم مزبوط حتى انا انشوف فيهم لكن الله غالب مش منهم هم اللى حطو انفسهم وخلوها هكى لانهم ابتعدو عن مفهموم المدينة وكيف المفروض ايكون الشخص المتحضر
لكن هم اللى داروة خالطو ناس مالهم اى علاقة بالمدن وخذوا تصرفاتهم اللى هم حاطين فى بالهم ان الرجولة ولفت الانظار ايكون هكى...
مش فاهمين ان الواحد بعد ماايشوفهم يقعد مقهور وشوى ويبكى على حالهم ،المفروض هم اللى ايغيرو من طبع الاشخاص الاخرين لان درنة المفروض انها اتكون فيها ناس واعيين وناس معاملتهم وترصفاتهم من افضل مايكون...

ايوه تمام اللي تقهر انهم يسبوه تطور وهم نظامهم
نظام اهبال ما تعرف تضحك والا تبكي عليهم
(لا ابكي علي امة هذا حالها .... ولكن ابكي علي هؤلاء رجال ) صاح والا لا

اكيد صح
لان يحسابو المظهر الخارجى هو التطور يحسابو التطور ان الواحد يلبس لبس جديد ويركب سيارة ومش فاهمين ان المفروض ايكون متعلم وصاحب شخصية ومعاملة طيبة
وصدقينى ايجى يوم وتلقي كل شى واضح وكل حاجة اتبان...

انشاء الله انا قاعدين ونرجو في هليوم
انشاء الله بس يكون قريب لان
والله خلاص سمطوها وكثروا
تمت الحكايه كلها "تفشيك" آسفه علي اللفظ
بس هضا الواضح والله خبر يقهر

كان على التفشيك مش مشكلة قولى الجهل والتخلف اللى هم فية

بسم الله والصلاه والســلام علي رسول الله

موضوع مميز

الله سبحانه وتعالي قال في كتابه الكريم

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم
سوره الرعد الايه 11

تفسير الأيه واضح
كلنا نحبوا درنه ومانتحملوا فيها شي يبقي لازم كل واحد منه يبدا بنفسه
غلط تقولوا ماعندنا منديروا ومافي بيدينا شي انت ابدا من عندك وانتِ من عندكـ وانا
الاصلاح والتطوير يبدا من الشخص ويعمم علي الجماعه

اما بالنسبه للي يحاول يخلي درنه
من عروس المدائن الي عجوز المدائن

فنقول لهمـ
(( وَلا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَار))

سوره ابراهيم الايه 42

ييييييييييييييه scream[/b[b]]اشكيلي نبكيلك
والله مش كتلك خبر يقهر

زهيره والله معاك حق حتي نحنا المفروض
نبدو بارواحنا مش كلام وخلاص
بس والله نحاول وانشالله خير علي الاقل
في المعامله اندرب في روحي وانشاء الله
نسقموا