ممنوع اصطحاب الاطفال

الـــــــــــــــــــسلام علــــــــــــــــــــــــــــيكم
احببت ان افتح نافذه جديده من نوافذ الحوار التي لطالما تجاهلنا فيها كثير من عاداتنا فلكل مجتمع عادات وتقاليد مختلفة قد تكون صواب وقد تكون خطأ
وسأطرح عليكم الآن ظاهرة اجتماعية متفشية في مجتمعنا الحاضر ارجو طرح وجهات نظركم حولها لتجنبها لو كانت خاطئة او الحث عليها لو كانت عادة جيده
العادة هي:
عندما يقترب وقت الزواج او الزفاف توزع بطاقات الاعراس ومنها تتم دعوة الجميع الا انه هناك ملاحظة صغيرة تكتب في اسفل الدعوة
الملاحظة تقول ( جنة الاطفال منازلهم ) وقديما كانت تكتب ( نرجو عدم احضار الاطفال )
هذا التعبير وغيره يكتب رجاء ان لاتحضر المدعوة اطفالها في الزفاف تجنبا من وقوع لفوضى او الارباك وبالخصوص لو كان الاطفال من فئة الذكور لاالاناث
ماهو رأيكم في هذه العبارة وغيرها التي تحد من حضور الاطفال للزواجات
فهل يحرم على اطفالنا الفرحة بزفاف الاقارب؟
هل تخافون على الاطفال من السهر لذا يتم منعهم من الحضور؟
هل ان عدم حضور الاطفال يقلل من الفوضى ويزيد من الفرح والسرور للإمهات ؟
هل هل عدم حضورهم يقلل من الاخطار التي من الممكن ان تنجم اثناء حفل الزفاف ؟
هل هل يقلل عدم حضورهم التكاليف على المتزوجين لذا يفضل عدم احضارهم ؟
ارجو المشاركة في هذا الموضوع للأهمية وشكرا

شكرا يا الشينه على الموضوع
لانه بفعل يحدث فى حياتنا الاجتماعيه
بصراحه
اجد عدم حضور الاطفال الى حفلات الزفاف
نقطه ايجابيه وخاصتن لما ايكون الفرح فى احدى الصلات
وعندما يتم توزيع كروت الافراح وتجد عباره
(جنه الاطفال منازلهم)
فهى رساله الى ضيوف الفرح
واجدها نقطه ايجابيه
لانه هناك عواقب سوف تحدث
عندما يتلقى اطفال الفرح واطفالالضيوف للفرح
لانه اول حاجه
الاطفال الضيوف دئماء ياتون ام عن طريق الام او الجده وغيرهم
ويبقون خارج الصاله الفرح ودئما بل اغلب الاحيانا تحدث مشغابات بين الاطفال
واهل الفرح غير متفارغين لمثل هذاه الامور
وزى ما يقولوا اسل امجرب ومتسالش طبيب
عليا اناء من الافرح الى صارن عندى
ايسد اطفال اهل الفرح سوا كان فرح عريس اوعروس
ايسد اطفالنا اى اطفال اصحاب الفرح
حتى هم مش امغير يحرقوا الدم ويرقولك الضغط
اتكمليها تريح اركح وكان ضربت فيهم واحد اتجيك امه تجرى
واتقول كنك مع اولدى بصراحه امهات عقليتهن ناقصه
وتحط عقلك بعقل ولدها وتقول ادور فيه وكنهم الاطفال الاخرين ما ضربهمش
ايش تبى اتقوليلها
انا فى السن كبير مش اصغير ونعف الصح من الخطاء
وولدها ايدير الى تقهر واختها
هذا بنسبه لاطفال اهل الفرح
مابلك ايكون هناك اطفال من خارج العائله الفرح
فاجد ان الاطفال يقعدو فى منازلهم
افضل

شكرا على الموضوع يا الشينه
تقبلى مرورى

انا انقولك الكلمه الي يكتبو فيها في الكرت زايده

لان المتعوده تاخذ في اولدها معها حاتخذهم

و الي تخلي فيهم في الحوش مش حاتخذهم

و بعدين ثاني حاجه الام كان لما تاخذا اولدها تفطن لهم باهي

لمن تطلقهم و تقعد شاقيه بالتصفيق و الاغاني

و تسيب اولدها يحوسوا و الواحد لما يقعد عنده مناسبه

حيكون وجيج العيال الصغار يعني

جنه الاطفال منازلهم

المكتوب باين من عنوانه

يسد اهل الفرح او المناسبه اطفالهم
اتزيدي عليهم اخري واجد
بعدين الطفل مسؤوليه
ويبي واحد يبقي فاطنله
لانه في نوعيه من الاطفال
متعود ايدير اي شي
لانه ما عرفش كلمة لا والا غلط
يعني من الاخير امدلع واجد
وهذا هوا اللي يقهرك ويطلع خلقك
فالافضل ان اللي اتجيها دعوه ومكتوبه فيها الصيغه
ما تستعبط
وتخلي اولادها في حوشها او عند اقربائها
والا ما تجي منعا للاحراج

لكن نجنا تكتب ما تكتب
اتجيبهم لك كلهم
من البيبي للي عمره 13 سنه
ايجوك واينكدو عليك

لكن نحكي علي روحي
اول مناسبه لنا
نبي نستاجر واحد تشاي او غاني
وانجطه عالباب
وانقوله واحده بروحها اتخش
مع اطفال سكرلها الباب
ومن غير مطرود

الله غالب
بيش يفهموا العرب

العبارة تقول جنة الاطفال منازلهم
سؤالي اي جنة والطفل بعيد عن امه

خير الكلام ما قل ودل
والاطفال ه الي دايرين جو في الفرح

مشكورين
درناوي
مايكل
اسلام
ابن درنة
كلمة حق
ع الردود الرائعة والمشاركة الحلوة

بالنسبة ليا انا
يا بحر ما ادردرك ذبانه

مع احترامي للذباب

السلام عليكم ورحمه الله وبركاته

الشينه موضوع جيد ومفيد للنقاش
بصراحه جنه الاطفال منازلهم عباره تكتب ولكن لا تطبق وانا شخصيا مع هذه العباره في فوائد وفي اضرار
يعني الفوائد الطفل يكون في حوشه افضله ومضايقش الناس لاخري وحتي يستمتعموا بالفرح وامه لان في اطفال ماشاءلله نشاط مش عادي انا مره شخصيا كنت في فرح قريبتي ودوبني جايه جتني الام انتي من اهل الفرح اولدي لي ساعه اندور فيه وتبكي وحالتها حاله تخيلي موقفي عليك فجعه
يعني انتي جايه وجايبه اولدك عارفته حركته واجده افطنلي الا ماتجيب عليه اي خبر يلا في بعض الامهات قليلات مسؤوليه
والاضرار ان في امهات ماعندهنش وين يتركن الاطفال يعني ما يحضرنش
وفي يلي اتقولك اولدي مش حاضر اتمزط الكرت واتقول حتي انا مش ماشيه
المهم
بجد نحن مازال علي التحضر الفكري هذا رايي وشكرا لك
علي الموضوع ممنوع اصطحاب الاطفال Icon_flower

انا نأيد رايي الجميع

بس اصحاب الاطفال له مراحل ههههههه
اول مرحله لطفل لي عمره شهور ماتقدرش امه تسيبه
والافضل لي عندها بيبي عمره شهور تبقى معاه في لحوش ليش تعذبه في جرتها
تقعد معاه احسن لها من مية عرس بس لو عرس اقارب واجد تاخذ وتبقى معاه
مش تخليه من يد ليد
وثاني مرحله طفل لي عمره سنه او سنتين او ثلاثه
تقدر تسيبه مع والده او حتى خواتها
بس عن شرط ماتطولش في عرس

اما بنسبه لي عمرهم اكبر من هك
ولي فاهمين ويقرو في مدرسه هذوم مافيش داعي يخشو
وعلى قولت ابن درنه نحطولهم تشادي
ههههههههه

ويسلمووووووووووووووو موضوعك حلووووو
ياشينه
ممنوع اصطحاب الاطفال Icon_study

فعلا دونا كلامك صح ونبي نعقب علي كلامك لو سمحتي وانقولك التشادي

وامعاه اطفاله هاهاهاها علاش يفهموا في الجوا لو وحده جابت ولدها انوصه عليه هاهاها عليك روح شريره انبصر Very Happy

يا ذبانه
سمحه عجبتي

بس توا أنا موش فاضيلك عندي دوره في بنغازي بعد ما نروح إلي طرابلس توا تشوفي المعله

تعتبر حرية شخصية من اراد دعوة الاطفال الى الافراح

والله الموضوع حلو وعجبني وأنتمني من جميع أيطبقوا مقولة جنة الاطفال منازلهم بس هذا الواقع تكتبها ف كرت وتلقة الاطفال أيخشوا الفرح قبل أمهم والفوضي الي تعم منهم وهذا كله تلقي الام وعويلعها ع طاولة ف فرح أبروحهم صبايا الاخرات أدورن ف كراسي وعويل الصغار جالسين متهنين وهذا كلة لو ماصبوش وخربوا زينة الكوشة العروس وصالة وهذا كلة جزء من الخراب الي سبوة بس Laughing

يعني شن يبي أيصرلهم لو أقعدوا ف حوشهم معززينمكرمين لا لازم أيدوروا مع أمهم هههههههه أنا جدديدة ع منتدي وأسمي دلع