هل الجـامعة للعلـم أم للصداقـة أم للعلاقـــــــــــــــــــات!!!؟؟

السلام عليكم ورحمة الله وبركاته

أهلا وسهلا بكل الأعضاء والزوار منتدي شباب درنه

اليوم بصراااحه حبيت نفتح موضوع مهــــــم جداااا

وحســــــــــاس جدااا في نفس الوقت

واتمنى منكم المشاركة بآرائكم حول الموضوع

الموضوع باختصار هو عن ظاهرة {العلاقات } في الجامعات
ياريت الكل يشارك برأيه في هذه الظاهرة

والسؤال هو :

هل الجـــــــامعة للعلــــم أم للصداقــــــة أم للعلاقـــــــــــــــــــــات??!!!??

" كيف سأتعامل مع الجنس الآخر ؟؟ "

... سؤال يدور في أذهان جميع الشباب و البنات الجدد اللذين يلتحقون بالجامعة في عامهم الدراسي الأول ... فمنهم من يسعى لاستكشاف ما كان محظوراً عليه من قبل غير مدركاً لأبعاد هذه العلاقات , و منهم من يخشى الجنس الآخر فيغلق مبدأ التعامل مع الجنس الآخر بشكل نهائي حتى ولو تطلب الدراسة ذلك ... ومنهم من حكم عقلة و عواطفه بشكل متوازن حتى لا يخسر مشاعره.

أسبـــــــــــــوع الخجل

"أنا منكلمش شباب ".. ."لأ..بنات لأ"..

كلمات يبدأ بها الشباب و البنات في السنة الأولى من الجامعة و يظل كلا منهم يتجنب الآخر حتى تضطرهم الظروف فيما بعد للاحتكاك ببعضهم...فهل الاختلاط أفضل ..أم الانفصال أسلم!!

مـــــــــــر أول أسبوع من الدراسة والذي يمثل أهم فترة في المرحلة الجامعية حيث يظل يحلم به الشباب طوال فترة الدراسة الثانوية ونسبة كبيرة من هؤلاء الشباب ينظر للجامعة على إنها نادي كبير سيفعل فيها كل ما حرمته منها فترة الثانية { فترة العيال } وكان من أخطر الملفات الشائكة في هذه المرحلة هي العلاقة بين الشاب والبنت ويمــــــــــر هذا الأسبوع بفترة خجل ؛

فما ذا بعد الخجل؟؟

طبعـــــــــــــا الموضوع واسع وفروعه متعده وعندى جوانب اخرى فيه بس ياريت توا اتشاركوني وتقولولوا رأيكم فيي موضوع العلاقات والقصص الي ايصيرن في الجامعة وليا اتشوه صورة جامعتنكم

بس قبل نبي انضيف حاجه من وجهة نظري

انه لامانع طبعاااا ومن حقك أن تتعامل مع الشباب والبنات معا... ومن حقك أن تتعامل معهم في أمور الدراسة الجامعية وبالأخص طلبة الطب ....؛ولكن يجب أن تضع لنفسك حدوود في علاقاتك مع الآخرين...

فيش اتسهري انت الشباب خشين عشان البنات و
بنات الجامعات ماشالله عيهن مايصدقن واحد يبحت فيهن

هو ربي غاضب علينا من اشوي

موضوع مهم و يحتاج إلى نقاش متزن ، أسمها فيها ( جامعة ) تجمع الغث و السمين فيها المحترم وغير ذلك
سواء من الطلبة أو من أعضاء هيئة التدريس

صراحة أخي مايكل لقد تكتبت فى أيام دراستي مقال عن الجامعة تحدثت فيه بكل صراحة عن الجامعة إبتداء
من بابها إلى قاعاتها و مرورا بمكاتب العاملين و أعضاء هيئة التدريس ، و لا أخفي عليك لقد كان نقدا لاذعا جدا
و حقيقة في نفس الوقت لقد تحدث بكل صراحة عن كل ما يدور حولي و ما أراه بأم عيني
و لكن و للأسف بعد الإطلاع على المقال لم ترضَ الجامعة عنه و كانت النتيجة منع المقال من النشر

أخى عقرب وما يدريك أن الله غاضب علينا ؟؟؟

أطلعت الغيب أم اتخذت عند الله عهدا ؟؟ أحسن الظن فى الله و لا تتحدث عن الله بمالا تعلم

انا اتمني ان تكون المواضيع مثلا هذا الموضوع يعني تكون هادفه
وهذا موضوع مهم فيختلف كل شاب عن الاخر في التفكير وطريقة التعامل مع الجنس الاخر
ولكن بغض النظر فالطيب والخبيث في كل مكان والامر كله يرجع الي التربيه من الصغر
فكل شاب يعكس في بيته فكل تصرف يحسب علي اهله وعلي طريقة تربيته
اشكرك مجددا واحترم مواضيعك المميزه والله ولي التوفيق

منور عراب
ممكن من فتره كانت الجامعه مغلقه قليللا لكن الان اصبح هناك انفتاح اكثر من جميع النواحي

منشكور كلمه حق علي رأئك
فانت دائما علي حق
فكل شاب يعكس في بيته
و كل فتاه ايضا تعكس بيتيتها

الجامعه بها طريقين

علي كل طالب ان يسلك احدهما
اما ان تكون من الطبقه الخيره التي تريد الدراسه والاستفاده
واما ان تكون منطبقه ذوي الاتجاه الاخر

لايوجد وسط بينهما
الجامعه مرحلة انفتاحيه للطالب والطالبه
بدون قيود ويكون الطالب غير مجبور
يفعل ما يشاء ومتي يشاء
لكن الاختلاف في ما يجنيه الطالب
بعد الامتحانات والنتائج
تبين ان هذا الطالب من اي الطبقتين

اما بخصوص ان الجامعه مكان للعلم ام للصداقه ام للعلاقات
الجامعه مكان لكل شي

واي شي وارد فيها
اسمها فيها جامعه
اي تجمع بين الخير والشر
وما خفي كان اعظم

تقبل مروري خونا
وياربي انكون قد افدتك بشي

مشكور مايكل موضوع حلو
بس انا شايفه ان الجامعه للقرايه بس
ما فيش داعي للأختلاط يعني عليك
اطروح تلقي الشباب يقولو لالا نبي
ناخذ الشيت بس يعني مفش شباب عندهم الشيت
وكذالك البنات المفروض الشباب بروحهم والبنات
بروحهن والا العلقات وقلت الحياء تلقاهم
يسهرو عيني عينك في الساحه عيب والله عيب
" اللي ما يتحشم عطا موت " ما لقيتا الا انحلال
آسفه لو كنت حكيت بعصبيه بس الموضوع منرفزني
لان الاختلاط تما بشكل غريب وقلة الادب كاثره

انا حاسه ان المشكله ان طول عمرنا حاسين ان الجنس الاخر شئ غريب وعجيب وبينا جدار عاااالي منصدقو في الجامعه نكسروه ...
مش هكي المسأله .. بالعكس .. مننكرش ان الجامعه مجتمع مستقل ,,ليش مستقل ويسمح بقدر كبير من الحريه لاننا مفروض نكونو وصلنا لسن معين من النضج ..يوجب علينا انفكرو مش نصرفو بطريقه غبيه ..

انا بصدق نشوف في تصرفات نخجل منهن ومن انهن صادرات عن ناس مفروض يكون عندهم قدر كبير من المسؤليه والعقلانيه في تصرفاتهم ..

انا ممنعتش العلاقات او الصداقات ..لان بما ان المجتمع مختلط اكيد حيكون في معرفه وكسر للحواجز بين الجنسين اكثر وهذا طبيعي .. بس الغير طبيعي هو ان يكون هذا الاساس ...

وبالنسبه لك يا عقرب اسود .. مفروض تكون طريقه تفكيرك ارقي وافضل ولو كان معندكش خوات ,,,

بس مفروض نفكرو عقلانيا ومن جهه شرعيه كلامك خطأ ..\

معلش ع التطويله ... بس موضوع حلو وجرئ ومتميز ...

ابدعت مهند ..

عقرب أسود تفكيرك عقيم و نظرك لا يتعدى قدميك ، أرجو إظهار الإحترام للأخوة الأعضاء

يا أخي إذا كنت لا تستحي منا فاستحي من الله

صدق رسول الله صلى الله عليه وسلم ( ... إذا لم تستحي فاصنع ما ما شئت )

قال رسول الله صلى الله عليه وسلم : ( يا معشر من آمن بلسانه و لم يدخل الإيمان قلبه
لا تغتابوا المسلمين و لا تتبعوا عوراتهم ، فإبه من تتبع عورة أخيه المسلم ، تتبع الله عورته ، و من تتبع الله عورته
يفضحه و لو في جوف بيته . )

أخرجه أبو داود و الترمذي و أخرجه الإمام أحمد

يا أخي لو عندك رأي فى الموضوع قوله بس بالأسلوب هذا لا

لو اندير مقارنه بينك و بين كاتبك الموضوع والله فرق بين الثرى و الثريا

شتان بينك و بينه

الخلاصة أنت عندك تضارب فكري و عايش فى صدام نفسي

منور خوي العراب فالكلام الي قلته هو نفس الي في خاطري انقوله له

به كنت انفضل اني انخليه و انتفه

لان الشخص الي زي هذا مش مفروض اديرله جرار

ما دام المشرفون لم يقوموا بحذف مساهمته فتركه

يحكي الي يبيه

و نقوله مره اخري شكراا علي المشاركه الموضوعيه و البنائه خوي العراب

عرفت المصيبة وين فينا نحن منذ البداية وعلى المجتمع
مشكور مايكل

منور ايمن رد يحتاج الي مناقش و توضيح اكثر

مشكوور علي المروور

حذفت الرد علشان كان عدد البنات 106

السلام عليكم
ياشباب اسمعو الكلام هذا مافيش بكل في الجامعات
وخاصه جامعه درنه(الفتايح) حيث هذ الجامعه منبر
للعلم والتعلم وتسعا دائما للرقي بمستوا مدينتنا الحبيبه
وكما لاحضنا ونلاحض الشباب كلهم مثقفين ومتعلمين و عارفين الصح وين والغلاط وين
اما بانسبه للبنات فهن ايضا متعلمات ومثقفات وللامانه 99%من بنات الجامعه يرتدن الخمار
يعني كونو هنيئين بمدينتكم
----------------
كل كلمه اعكسوها ساع يطلع المعنا الصحيح
---------------
تقبل مروري
----------------
وياريت الشباب يقعدو قدوه لي انا لاني انا من المحاضره لباب الجامعه ومن باب الجامعه للمحاضره
يعني للامانه اغلب الشباب كيفي يعني
حتا هم من المحاضره لباب الجامعه
-------------------

منور خوي اسلام

صحيت

انشالله توا ناخذوك قدوه

هههههههههه,,,,,ياريتكم تكونو قدرة

ههههههههههههههه
منورين

هههههههههههههه
انقانه هضا نفس الكلام اللي كنت نبي نقوله
نفس كلام اسلام

الجامعه مكان عادي جدا الا انه فيه اختلاط وهذا شئ مش متعودين عليه

ليش ماتكون الجامعه للعلم ولكن ايضا يمكن ان تكون للصداقات وللحب ولا اقصد العلاقات بمعناها السيئ,

,, المسألة في وجهة نظري نحن معقدينها الشاب يخش كأنه خاش سوق نساء والبنت كذلك ,,

ليش مانخلو الامور علي طبيعتها ,, افضل واسلم

أول حاجة بارك الله فيك مهند على طرحك للموضوع
بالنسبة للجامعة فالخطأ من الأساس والله والله لو كان من البداية لايوجد جامعات مختلطة ما كان حصل أشياء بالذات زى اللى سمعنا بيهن فى جامعة الفتائح وماخفى كان أعظم والسبب الأول هو الإختلاط وعدم اتقاء البنات الله فى أنفسهن ...ونا نحكى من واقع تلقى الشاب من أول يوم إلا ماشاء الله طبعا لكن الأغلب يدور على صديقة يمشى معاها الجو واللى تقهر اللى مسميين انفسهم رجال الأمن فى الجامعة يزيدوا الطين بله ويساعدوا فيهم والله حتى قدام الدكاترة لا يوجد حياء.....ياربى هم لم يستحوا من الله فكيف يستحون من خلق الله...المهم حتى قدام الدكتور يقعد عارف انها صاحبته وتمشى عااادى بالضحك واللعب
أما بالنسبة للصنفيين الثانى والثالث فإما مبتعد بالكلية ومتقى الله فى نفسه وإما نص ونص وتلقاهم دايرين أصحاب العلاقات كالبان فى أفواههم

مرة أخرى مهند شكرا على الموضوع ومتأسفة للإطالة

انا بالنسبه لي

انه الاختلاط مش هو السبب الاساسي

لانه الاختلاط لازم منه

لو م اختلطوش في الجامعه اساع يختلطو في العمل او اي شي اخر

فغياب الواعز الديني هو سبب ما نسمعه ما فضائح في الجامعات

و شكرا خيتي قيود
علي رايك في الموضوع

يا جماعه اللي مخربين الموضوع عيت بو زغد (وهم اكيد معروفين عندكم)و
ومجموعه قليله من الفتايات الناقصات تربوين

وفي نفس الوقت معذورين
لانهم باطبع يتفرجو علي المسلسلات السوريه والتركيه
واكيد يشوفو في الجو اللي يسير
فهم يبو يقلدو
وللعلم الصداقه والعلاقه الشريفه مش عيب
امغير في اللي تفكيرا بككككككل (تخلف) للاسف

--------
والله اسمعو انا لي سنتين نقرا في جامعه الفتايح عمري ما نبشت بنت
بس يعني ممكن نبحت فيهن شوي
يقولو التفرجه اتطول العمر
وهذي وجه نضري

باع باع باع
كنكم أنتو الجامعة عشان هكي مديوراااا
أجمل حاجة أنك توعا في الصبح ترقا للجامعة وانت راقي مش عشن تقرا أصلاً لكن عالشان أتحق حبيبتك ... وأياااام الأمتحانات تقعد تقرا مش عشاااااان تقرا لكن عشااااااااااااااااان تنجح وتكمل عالشااان خطر الي اتحبهاااا...
جو خييييااااااااااااااااااااااااااااااااااااااااااااااالي.....للي عايشا

هههههههه احزان السحاب صريح جدا هههه

هههههههههههه مايكل عاجبك الموضوع