دونك يالعين

[color=indigo][size=18][center]اليوم اعزاز عنك غايبين .. قجي قج .. دونك يا العين




‘‘سيلي ما تكفي‘‘


ولا الليل يا عيني أتغفي ... ولاقدام حسادك اتخفّي

نين ايجوووك خلي العزم زين

وفي خلواك خوذي الاذن خفّي ... وشيلي الصوت ببكاك الحزين

نين الدمع جمر النار يطفي ... ونين الهم يطلع م الكنين



‘‘سيلي بالنواح‘‘


وعندك الاذن مني والسماح ... ابكي م الليل لا عند الصباح

نين البخت كنيبه ايلين

ايروق اشوي وايداوي اجراح ... اليوم اكبار من هم السنين

الا غاليك مطلوق السراح

ابقي منحاز ولغيرك رهين




‘‘ماحذاك غير العبره‘‘


ابكي بدمع يا عيني حياتك غبره ... نين من خلق الانسان يحكر صبره

وايفرج عليك الله كي لخرين

ومهما يطول الجرح لازم يبرا ... ايجيك يوم تزهي كيفهم يا عين

ونحسابك الا مني خذيتي عبره

صبري كمل واليوم ناخذ دين




‘‘ما احذاك غير اتنوحي‘‘


منك اطاول يا الهبله موحي ... نشكي انعاني من سطير اجروحي

وبختي اللي طايح اليوم ظنين

ابكاك خير من تبقي امغير اتذوحي ... اتلطي وراء لولاف بين وبين

وخليك ديما في سماك اتلوحي ... راه العصرواجب وديما زين


‘‘دونك يا العين‘‘

اليوم اعزاز عنك غايبين .. قجي قج .. دونك يا العين[/center][/size][/color]

اسعدني انها عجباتك ,, شكراا

سمحه قجي قج

جديده و سمحه

منوره اوتي

هههههههههه

كنت حاسه انك مش حتمشيها علي خير ,, ولا حتخليها تمر مرور الكرام ,, ههههه

وطلعت نعرفك صح؟؟