خاص بجميع اعضاء المنتدى (شباب وبنات)

السلام عليكم.

أنا في حاجه نبي انقوله لكم كلكم شباب وبنات (منتدى شباب درنه).

هل انا اسلوبي مش تمام؟؟؟

او غلطت في واحد منكم؟؟؟

او درت حاجه غلط؟؟؟

أصلا واضح انكم مش قابليني.

واللي يبي ايتأكد.. يمشي لمنتدى الألعاب وايخش علي لعبه.

(من 1 الى 5 واختار عضو يكتب اسمك في توقيعه).

توا تعرفو عليش انا كتبت الكلام هذا.

وارجو اتردو عليا كلكم ضروري.

ولو في اي حاجه.. انا مستعد انسيب المنتدى بدون ما نزعل ولا انزعل اي واحد فيكم.

آسف.. وشكرا.

خوي سامحني أنا شفت طلبك لكن ماكنتش فاااضي أندير أسمك
سامحني وأن شاء الله حتلقى أسمك قااعد في توقيعي

لالالالا مافيش داعى اتسيب المنتدى والله بالنسبه لى ماشفتش طلبك
واكيده حتى باقى الاعضاء هكى
ونحن نشرفوا انحطوا اسمك تحت توقيعنا
ياريت اتسامحنا على الغلطه البسيطه Smile

اوبي بطل هبال الامور متوتخذش هكي

,, انا عن نفسي مخشيتش الموضوع ولا شفت طلبك الا توا لما طلبت نشوفوه

انا نعتذر عن نفسي بس والله ما شفته

ومفروض كنت تعذرنا لأنك عارف معزتك عندنا

توا بجديات انا زعلت

انا ما نحكيش عليكم.

انا نحكي علي رد عالموضوع بعدي وماعبرنيش.

وفيه اللي اعجبه الاختبار وما عبرنيش.

لكن آسف انا الغلطان.

شكرا لكم (جوبيتير ودرناويه دارنيسيه وماما اوتي).

الشكر لله خوي أي خدمه ساامحنا علي التقصيره هذي

لالالالالالالالالالالالالالالالالالالالالالالالا
عليك المزنح كنك انت كنك بلا اهبال وقهر
معقوله يعني اتحسس من موضوع هك
عادي عادي وبعدين الموضوع اللي تحكي عليه اصلا
ما حد خشلا بعدك الا انا وجوبيتير ونحنا الاثنين كتبنا
يعني بلا اهبال باقي الاعضاء اصلا ما شافوش المشاركه

وتوا سلام وبلا اهبال ومعليش لاني توا مغير
شفت الموضوع ورديت

ولو اني طولت ما حطيت الاسم كنت محتاره
شنو نكتب بس

جيت

كنكم شن فو بنغازيو

من مزعلك وريه لي بس

حصل خير ياشباب
توا نمشي نشوفه موضوع ولي زعلك نصبيه عساس
مهم ماتزعلش ونحن هنا ماعنداش تفرقه
والله وانت عضو من اعضاء منتدى
ولو طلعت حايبقى مكانك فارغ
ويبقى مافيش طلوع
Twisted Evil

ا

شكرا واجد.. يا (ناني ودونا).

وآسف.. بس والله وجعتني.

تطلب طلب وماحد ايعبرك واعره اتحس روحك (تافه) حشاكم.

عندي حق نزعل ولا لأ؟؟؟

وآسف سامحوني.. مش قصدي شي بس تنرفزت.

وشكرا يا أعضاء أحلى منتدى.

والله توا كيف شفته الموضوع
ودرت توقيع نشالله يعجبك
ويكون قد المقمام
Cool

شكرا يا دونا والله حلو التوقيع عجبني.

(ايهبل) ههههههههههههههه.

شكرا.. وآسف ماتزعليش مني.

شكر ليك
اهم شي ماتكونش زحلان منا
منورنا
Wink

لالا هكي خلاص مش زحلان.

وشكرا لكم جميعا.

وانتي بالذات يا أحلى (درناويه). شكرا وااااااااااجد.