بين العقل والعين

محاورة بين العقل والعين حيث أن العقل غير راض حال العين بينما تدافع العين عن حبها وتكون المحاورة كالآتي:

العين
علي ابعاده كيف اصبرت لا تسالوني .. فلان غلاي هوه الزها لعيوني .
العقل
بالغصب حملتي مانك اللي صبَاره .. نسيك الغالي وقاصات أخباره
موش سايل فيك وزادن إبعاد ادياره .. قادر عليك الياس والتقليق .
العين
كيفا عليه ما نقلق .. الماقي علي طرواه بروحه رقرق .
أتشده ابحور الهم فيها يغرق .. مرادي ما فيه انتحمل حاجه .
العقل
رقرق قلتي .. ايسيل الدمع ما عليه اقدرتي
خوفا شماتة اللي يربشوا ف الدردي .. لومي ايقولوا انكانه هاويك .
العين
اللوم انعوفه .. وين ننظر حوسته وفالهموم انشوفه
وانشوف حالته ونعرف خفايا ظروفه .. نا بس اللي نفهمه غاليا .
العقل
لا تفهمي لا تدري .. لو كانه غاليك أيجيك يجري
انتي بعيدة وعلي غلاهم تهذي .. وماك عارفه شن لك جوَا صدره .
العين
نا عارفة ومقنوعه .. شن بينا وشن لي امبين ضلوعه
وانكان علي جيته بعد ينتهي موضوعه.. وكل شي في وقته ايجيك اكويس .
العقل
الوقت ما تطريه .. كل يوم يمر وتنظري خاطيه
مرَن اسنين ولا تو ما ريتيه .. العمر يجري بالله شوفي حالك .
العين
كنه حالي .. مازلت صغيره وبا لهدوب انشالي
غلاه بس ذهب شيرتي واحوالي .. صبرك عليه نعطوه فرصه أخرى .
العقل
ما زال تبي فرصه .. اشحال مانك من غلاه منقرصه
مضى عمرك في غيته منخرسه .. اتشيبي بعيد وهوا هني في ناله .
العين
ما ني امتاعة دوه .. وماني اللي تشحذ فل الغلا بالقوة
ولاني اللي تنطق نين يبدا هوه .. الخطا والسيه ماهن اللي من طبعي .
العقل
ما تقدريشي تحكي .. خوفك منه ومل الغلا تنجرحي
ولو بدا بالسيه تزمطي وتنذبحي .. اسبيله قولة الخطا ما انرده.
العين
ليش انردَه .. غلاي نور العين فرحَا وسعدَا
حتى وهوُ اخطي ساسَا وسندَا .. واحد حتى لو بينا أميال .
العقل
ما عمر ريتي فرحه .. أعصابك دوم شايطة منقرحه
ساهبه وحيدة تكمدي في جرحه .. لا جا سند لا جاكشي تكَايه.
العين
ماني وحيدة يوم .. خياله وصوته في خاطري بالدوم
ابعاده ما ينقص أف قدره سوم .. ايزيد أيغله كل يوم في مقداره .
العقل
خيال وصوت .. بعاد وتعب وامرايفه واسكوت
تنَبي امعيشه وآلا مشا للموت .. ضايع صوبك يا هبيله كنك .
العين
صاين صوبي .. هللي علي صورته متراخيات اهذوبي
متعاهدين دربه نقطعوا ودروبي .. فالزين لو فالشين مهما صار.
العقل
واعرات دروبه .. جضر وياس ودنيتا مقلوبه
شوق وبِعد مي يقابلك في صوبه.. وانتي رقيقه ما جضيض احملتي.
العين
للوعاره نا .. انلز الجضر والياس كنهو جا
بلسم عزيز للروح كان دوا .. بالنفس يشفن علتي وامراضي .
العقل
امعلوله ديمه .. ساعة مرض وساعة فل الفراش سقيمه
وانتي قبل بين الدلع والتبسيمه .. تغير عليك الوقت ماهو وقتك

منور زعوم حوار خطيييييييييير
صحيييييييت
العين قايله للعقل ..... انطيعك الا في نسوهم

مرات يا العين يطيع ..... العقل غير وريه غايتك

منور زعيم حوار رائع بين العقل والعين
تسلم يداك

منور زعيم حوار رائع بين العقل والعين
تسلم يداك

صحيت زعيم

تقبل مروري