منتدى شباب درنه
سجل معنا فى منتداك منتدى شباب درنه
أول منتدى درناوى على النت

منتدى شباب درنه

يدا بيد للابداع...... للوصال..... للمحبة..... للسمو..... للنجاح..... للطريق السامى ..... منتدى شباب درنه منتدى ليبي درناوى
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  ياعاصى تب الى اللهياعاصى تب الى الله  

للإبداع و التميز عنوان واحد .::. منتدى شباب درنه .::.

دعوتنا للجميع دون تحيز و دون تملق نسعى للأفضل لنكون الأفضل

منتدى شباب درنه أول منتدى درناوى على النت
رابط إحصائيات الاعضاء http://derna.all-up.com/stats.htm
الان منتدى شباب درنه على الفايس بوك ادخل على الرابط http://www.facebook.com/groups/ShababDerna/
بحـث
 
 

نتائج البحث
 
Rechercher بحث متقدم
المواضيع الأخيرة
» وييييييينكم يا هووووووووو
الجمعة أغسطس 29, 2014 12:59 am من طرف طرابلسية حرة

» بعد غياب سنين
الثلاثاء فبراير 25, 2014 2:24 am من طرف اوتي91

» أفكارنا هي السبب الرئيسي لأمراضنا
الخميس يوليو 04, 2013 10:37 pm من طرف وليدو الحلو1

» نداااااااااااااء لأعضاااااااااء المنتدى
الجمعة مايو 31, 2013 4:47 pm من طرف درنيسيه حره

» لعبة الغناوي..
الجمعة مايو 31, 2013 4:44 pm من طرف درنيسيه حره

» أتمنى ... <عودتكم>
الجمعة مايو 31, 2013 4:36 pm من طرف درنيسيه حره

» الله يرحمك يا يام
الجمعة مايو 31, 2013 4:34 pm من طرف درنيسيه حره

» الى كل عضو وزائر تفضل بدخول....ولن تندم..أن شاء الله!!
الجمعة أبريل 26, 2013 11:46 pm من طرف رضا عمر

» وينكم يا اعضاء المنتدي
السبت فبراير 02, 2013 10:14 pm من طرف جوبيتير

احصائيات
هذا المنتدى يتوفر على 2551 عُضو.
آخر عُضو مُسجل هو أحمد القائدي فمرحباً به.

أعضاؤنا قدموا 48261 مساهمة في هذا المنتدى في 4032 موضوع

شاطر | 
 

 غناوي علم ع العقل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قشعراني
عضو مشارك ممتاز


عدد الرسائل : 3073
العمر : 25
العمل/الترفيه : طالبه
المزاج : الحمد لله
SMS : كفاني عزا أن تكون لي ربا
و كفاني فخرا أن أكون لك عبدا
أنت لي كما أحب
فوفقني إلى ما تحب
........
اللهم ارزقني حبك وحب من احبك
وحب عمل يقربني الي حبك
ألدوله :
تاريخ التسجيل : 14/02/2010

مُساهمةموضوع: غناوي علم ع العقل   الإثنين ديسمبر 06, 2010 6:20 pm


العقل قـال راني دخت .... الفجر جـاك يا عين غمضي

عندي العقل كانهو قال.....ناسيهم هذي هي الواكده

العقل ماتلوم عليه...... مقهور في عرب ماطالهم

علي مانشد لايوم ........عزيز قيس عقله امريحة

ستين داى جاب العقل......... فتوى تجيب لولاف مالقى

العقل طال مرهونين......لوكان فالغلا صاحب

يطـافر نهدي فيه........العقل واجعه موح دارهم

العقل ساهرين عليه .......غلبان من معاناة نارهم

خطاه مو مراد العقل ..........الا نصيب مولانا غلب

تبكى العين يبكى العقل يخطر قديم انتباكو كلنا

العقل قالك ياعين ....... بعد قديم ماديري جرر

خطاهم جا للعقل .......مكتوب راد به الله يا علم

سبايب أمراض العقل .. تقطيعة غلا صار ما كمل

خدا عزيز منى عقل........ويريد يا نظر زاد ياخدك

احصل العقل فيد الغير ......واحصل الغير فيدين غيرنا

علي مانشد لايوم ..........عزيز قيس عقله امريحة

العقل من خطا لولاف ......... ان ضاع ضاع و ان عاش ع العدم

العقل من خطا مرهون ........سواله مشو قارضينه.

العقل مو امعاي امعاك .........الله والنبي لا تهمله.

العقل يا اللي مرهون ...........متقاوي ضلاله جايك.

العقل يا عزيز نهال.......... رقيق عزم والماضي خطر.

العقل وين قالو تاب......... هفو عليه لولاف انتكس.

أصحاب صوب جو تمويح ..........كدوا العقل بمهاياتهم

العقل مو خفيف يـــروج ........ ثقيل كيف ميزان الذهــــــــب

عقلى موش معى معاهم .........باقى غير خيال بلاهم

اقطعوا خيط نور العقل ........... حساد ظلّموها ورقّدوا

عقلي شور اللي متباعد ..........طاير غير مكانه قاعد

عقلي من لباس الموظه ......... هام هيام اغلب في النوظه

عقال عقلوه العقل .......... بعقال غير مازال ما اعقل

ياعقلي خالك بعقلك ........... نين غلا يسوي نلقالك

عزيز طواني بعقالين ........... بعدها ما بنتلا عين

فيه اعقول مطامر لوعه .............. ماتشكي غير الملذوعه

كل اعقول شكن من داهن .......... لأ اتخطاهن لأ تنهاهن

في العقل غير مو شكاي ............ جرة النار ياما دايره


والختام اهداء للي تعجبه لانها عاجبتني بلكل

خلك يا عقلي بعقالك .......... نين غلا واثق نلقالك
الرجوع الى أعلى الصفحة اذهب الى الأسفل
واحد من الناس
عضو


عدد الرسائل : 46
العمر : 36
الموقع : www.derna.all-up.com
العمل/الترفيه : مش قوى عاملة
المزاج : حسب الجو
SMS : ملامح وجهك ترسمها أصابع أفكارك
ألدوله :
تاريخ التسجيل : 24/11/2010

مُساهمةموضوع: رد: غناوي علم ع العقل   الأربعاء ديسمبر 08, 2010 5:37 am

امنورة يا عسوولة
ربي يعطيك الصحة وينولك اللي ف بالك ,,, قولي أمين


كم غناوة ع العقل أن شاء الله يعجبنك :-




عزا العقـــــــل فيك دموع ** اسقطن وينما يأســـك حتم
أهموم واجده ف العقـــل ** ويقولو قضا خير من قضـــــــا
رقــــــــــد بنوم ناض بنار ** العقــــــــــــــل فيه ولاعة غلا
عديت للعزيز ابعقـــــــــل ** رديت فاقده لومينــــــــــــــي
العقــــــل شال ناره غمر ** ويقــول بارده نين انحـــــــرق
اللي فاضله م العقــــــل ** زكيتا علـــــى نار الجــــــــدد
نخاير انقـــــــــــول جديد ** ينزر العقـــــــل ايقول القــدم
العقـــــل ما يموت رحيم ** ان كان ما على ذراعــك رقـد
العقـــــــــــل لا تعازو فيه ** صيور جرح لولاف واخــــــــذه
العقـــــــــل لو ينول عزيز ** يزهابه بلا مال ســــــــــــاده
العقــــــل سامرين علية ** غلبان من معانات نارهــــم
يحوس وين يـــــطرو فقد ** ظني العقل عقلي وعارفــه
عندي عقـــــل يطرو فيه ** مندوه بين لوهام والقـــــدم
نساهي بها ف العقــــل ** نبكي بهم وما فيهم طمـــع
العقــــــــــل قالك يا عين ** نطريلك مراهين واذرفــــــي
العقل كي عليه احصلت ** ضرتني مهاياة لــــــــــــولي
عزا العقــــــل فيك دموع ** عليك وين مــا رايف بكــــــا
سبايب امراض العقـــــل ** م اللي لا توارى لا اقســـم
سبايب امراض العقـــــل ** تبع العين والعين ضالـــــــه
صعيبة عليه العقــــــــــل ** تجفــــاه دار ويعاودلـــــــــها
مستاسع ملاج العقــــل ** يشيل القـــــديمين والجدد
العقــــــل من خلا ليدين ** وخذوا اعزاز قدامـــــــه عند
ايميعدن بنـــات العقــــل ** يطرن عزيزهن نوع ينصبن
العقــــل فيه ست أوجاع ** كما اثنين شاكا بربعـــــــه

++++++++++++++++++++++++++++++++
وهذه الغناوي أهداء خاص لك انتي ,,,


بعد قديم عندي عقـــل ** عليك حوستن حايس علي
العقـــل كان فيكم عقل ** ردوه يــا غنايا اعتزتلــــــــــه
العقـــل بين لمواهيـــم ** امكوبس يقـــــــــــول ايروحو
عليك عقل عندي عقل ** حنون غير مــــو لاقي احنن


[img][/img]
الرجوع الى أعلى الصفحة اذهب الى الأسفل
قشعراني
عضو مشارك ممتاز


عدد الرسائل : 3073
العمر : 25
العمل/الترفيه : طالبه
المزاج : الحمد لله
SMS : كفاني عزا أن تكون لي ربا
و كفاني فخرا أن أكون لك عبدا
أنت لي كما أحب
فوفقني إلى ما تحب
........
اللهم ارزقني حبك وحب من احبك
وحب عمل يقربني الي حبك
ألدوله :
تاريخ التسجيل : 14/02/2010

مُساهمةموضوع: رد: غناوي علم ع العقل   الأربعاء ديسمبر 08, 2010 5:51 pm

منوووووووووووووووووووووور
والله واحد من الناس اسعدني مرورك
واضلفتك اخري ومشكور ع الاهداء
العقل فيه برشا اهموم ....ما انجمش ياعزيز انقولهن
لوكان غير فيك ايطول .... عندي العقل ياما يقولك
عقلي والخاطر وانظاري .... واخذهن يا سمح الطاري

هذي اهداء
عقلي كان مريض تعافا .... هف عليه نسيم اولافه
العقل مابقي شي عقل .... ملي عليه ديما يخطرو
الرجوع الى أعلى الصفحة اذهب الى الأسفل
قشعراني
عضو مشارك ممتاز


عدد الرسائل : 3073
العمر : 25
العمل/الترفيه : طالبه
المزاج : الحمد لله
SMS : كفاني عزا أن تكون لي ربا
و كفاني فخرا أن أكون لك عبدا
أنت لي كما أحب
فوفقني إلى ما تحب
........
اللهم ارزقني حبك وحب من احبك
وحب عمل يقربني الي حبك
ألدوله :
تاريخ التسجيل : 14/02/2010

مُساهمةموضوع: رد: غناوي علم ع العقل   الأحد يناير 02, 2011 8:18 pm

العقل صاحبه في كيد.......ياعوينه اللي مايكسبه

غابو اصحاب العقل..........لمن انقول يانا فواهقي
الرجوع الى أعلى الصفحة اذهب الى الأسفل
 
غناوي علم ع العقل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب درنه :: المنتدى الأدبى :: درنه غناوى و شتاوى-
انتقل الى: