منتدى شباب درنه
سجل معنا فى منتداك منتدى شباب درنه
أول منتدى درناوى على النت
منتدى شباب درنه
سجل معنا فى منتداك منتدى شباب درنه
أول منتدى درناوى على النت
منتدى شباب درنه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شباب درنه

يدا بيد للابداع...... للوصال..... للمحبة..... للسمو..... للنجاح..... للطريق السامى ..... منتدى شباب درنه منتدى ليبي درناوى
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  ياعاصى تب الى اللهياعاصى تب الى الله  

للإبداع و التميز عنوان واحد .::. منتدى شباب درنه .::.

دعوتنا للجميع دون تحيز و دون تملق نسعى للأفضل لنكون الأفضل

منتدى شباب درنه أول منتدى درناوى على النت
رابط إحصائيات الاعضاء https://derna.all-up.com/stats.htm
الان منتدى شباب درنه على الفايس بوك ادخل على الرابط https://www.facebook.com/groups/ShababDerna/
بحـث
 
 

نتائج البحث
 
Rechercher بحث متقدم
المواضيع الأخيرة
» نيروز
220 غناوة علم على جميع الفواهق I_icon_minitimeالإثنين أكتوبر 15, 2018 6:04 am من طرف أحزان السحاب

» اشتـــــــــــــاق اليــــــــــــك
220 غناوة علم على جميع الفواهق I_icon_minitimeالإثنين أكتوبر 15, 2018 5:42 am من طرف أحزان السحاب

» وييييييينكم يا هووووووووو
220 غناوة علم على جميع الفواهق I_icon_minitimeالجمعة أغسطس 29, 2014 12:59 am من طرف طرابلسية حرة

» بعد غياب سنين
220 غناوة علم على جميع الفواهق I_icon_minitimeالثلاثاء فبراير 25, 2014 2:24 am من طرف اوتي91

» أفكارنا هي السبب الرئيسي لأمراضنا
220 غناوة علم على جميع الفواهق I_icon_minitimeالخميس يوليو 04, 2013 10:37 pm من طرف وليدو الحلو1

» نداااااااااااااء لأعضاااااااااء المنتدى
220 غناوة علم على جميع الفواهق I_icon_minitimeالجمعة مايو 31, 2013 4:47 pm من طرف درنيسيه حره

» لعبة الغناوي..
220 غناوة علم على جميع الفواهق I_icon_minitimeالجمعة مايو 31, 2013 4:44 pm من طرف درنيسيه حره

» أتمنى ... <عودتكم>
220 غناوة علم على جميع الفواهق I_icon_minitimeالجمعة مايو 31, 2013 4:36 pm من طرف درنيسيه حره

» الله يرحمك يا يام
220 غناوة علم على جميع الفواهق I_icon_minitimeالجمعة مايو 31, 2013 4:34 pm من طرف درنيسيه حره

احصائيات
هذا المنتدى يتوفر على 2551 عُضو.
آخر عُضو مُسجل هو asell فمرحباً به.

أعضاؤنا قدموا 48263 مساهمة في هذا المنتدى في 4032 موضوع

 

 220 غناوة علم على جميع الفواهق

اذهب الى الأسفل 
3 مشترك
كاتب الموضوعرسالة
المنذر
عضو جديد جدا
المنذر


عدد الرسائل : 1
العمر : 49
SMS : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[وأعيش على صوتك ودفء كلماتك وادرس سحر نظراتك يامن أذابتنى روعة جمالك فأنا عشقت لحظة صمتك ورقة حوارك]</marquee></fieldset></form><!--- MySMS By AlBa7ar Semauae.com -->
تاريخ التسجيل : 31/01/2011

220 غناوة علم على جميع الفواهق Empty
مُساهمةموضوع: 220 غناوة علم على جميع الفواهق   220 غناوة علم على جميع الفواهق I_icon_minitimeالثلاثاء فبراير 01, 2011 1:17 am


مجموعة من غناوى العلم من جميع الفواهق

منتقاه من الثراث الليبى الجميل


والذى عنده المزيد يضيف فى الردود

المجال مفتوح للغناوى الجديدة والقديمه


1.اعزاز مالكين العقل ينساهم منامى يجيبهم.



2.اتركهن تنال جميل مالك سبب في ذنبهن.


3. انصيمو ثلاث شهور لوكان يا غوالي تقسموا.


4. اجعن دعاي يامرهون تلقاه في ضراري كبيدتك.


5. اتركهن وتنال الصبر مالك سبب في دمعهن.


6. أنتي سبايبه ياعين غلا عزيز لولاك ما رسم.


7. العقل وين عابوا فيه احمل وقال يا العين ساهلة.



8.العقل ماعطوه حقوق اصحاب الغلا ضالمينه.


9. الـعـقل يابـعاد الـدار يـمـسي مـعاي ويـيات عـندكـم.


10.العقل في بلاد جهال إن دار الغلا ياذوه ياعلم.


11.العقل ما ينام الليل سطير جرح لولاف سمره


12. الدمع ما يجلي الياس أيزيدكن أرياف وتنعمن.


13.الدمع ما ايحيد غليل سماحة البكا فيه نوطرة.



14.العين قسمها في النوم دققة وفيها شاركوا.


15. العين قابلت ووزنت والعقل قال ما كيفك علم.


16.العين هي عـذاب العقل دلاته علي راي ذيبله.


17.الـعـين في العذاب تحمل ترجاهم رجا نين يـقسموا.


18.العين من غلا مرهون تذوح ما دباره لاقيه.


19.العين راضية ابمنـــام تنضر عزيز فيه اوتنعمى.



20.العين في ربيع غلاك تطلب الله ما يوم تفقدك.


21.العين حاسبت لو قات لقت زمانها مايل بكت.


22.النار في قرار العقل نزلت ياعلم دار راكحه.


23.النار قايله للعقل أن صار ياس لولا ف ناخـذك .


24.الناس يحسبوك ربيع وأنت عذاب يانار الغلا .


25.الصبر شين وزين كان عليه يا العين تقدري.



26.اللي بهم الصيف ربيع خشوا الجون ياعين باعدوا.


27.اللي صايرة بالعقل سراقة بها ما تدري.


28.ابكي عليه ليل نهار عزيز كان يا عين واجعك .


29.إينوس خاطري مهيوس من ياس ناس كانو له ونس.


30. اللي دلولك اسنين عليهم ابكي ياعين نين تنعمي .


31. بلا قشوشه للنار تشيط نوحلو في ردمها.



32. بعد رديم الياس شقيت نار لولاف لهلبت.


33.بنيت قصر في لامال اكبر الياس جاني وهدمه.


34. برادة الله ايطيح سعد الياس مو ديمة قوي.


35.بلاك ما نريد انعيشن نفداك بالروح ياعلم .


36.تبقي حايسه وتموح عزيز وين عيني تنظره.


37.تقاز الغلا محتار القي الياس على باب الرجا



38. تقديعك علي لوهام بلا نصيب ياعين تجهلي.


39.تنهاهن يديرن عزم يجيهن الليل ويذرفن.


40.تهايولها واسمرت العين وين ما لاج نومها.


41.ترجاك والرجاء في الله العين ياعلم ما ميسه.


42. تبقي حايسه وتموح عزيز وين عيني تنظره.


43.تشيط في خفا وتبان سبيل عادة النار ياعلم.



44.تاكل بلا دخان جواني دقيله نارهم.


45. ترجي العين تاسع ياس ترقيع في غلا بايد لها.


46.تذوح في عقاب الدار تلقي عزيز هيال بالها.


47. تصليب جابها ع الكبد خبير ياعلم نارا لغلا.


48.تقول شاطات اليوم غيات ياعلم باد جيلهن.


49.تلذيع القديم اقهرك ان درتي جديد يا عين شاوري.



50.ثلاث هن دوا المريض ان جن يموت وان غابن بري.


51.جبد سريب جابك فيه بكا العقل ما حوته سكت.


52.جضيض خاطري م ألنار بكي جميع مولاي ما خلق.


53.جابك لهن يا عين خبير المواهيم عوقك.


54.جروح يا عزيز غلاك م الغيبه برايا ع العدم.



55.حتى الصبح عندي ليل على عزيز عيني باكية .


56.حتي والمواوير يـاس غلا عزيزنا ما نتركه.


57.حرثن فيه نين جبرن شلال دمعتي يوم ياسهم .


58.حتي وانت فيك الياس خلق الله توقاتك فرج .


59.حطيت عالقديم رديم مع جديد يا نار اولعي .



60.حال غايتي في الصوب وان صار الخطا مانحضره.


61.خليت ياعزيز العقل جنازة بلاروح واقفة.


62.خلاني صفا ليام نشاكي اللي مانشغله.


63.خلاني غلا مرهون نشاكي الدانون ياعلم.


64.خلاني غلا مرهون نموج في هواء ماله سند.


65.خلاك حايرة في الراي غلا عزيز يا عين دوخك .



66.خطر ودار لك مشغال عزيز قبل يا عين ناسية.


67.خاطر عليك عزيز اليوم وامس يا عين باكيه.


68.خطاهم اللي داروه قبلوا جميل هانوا با علي.


69.خلفت ياعزيز معاي فواهق بنيران يطلقن.


70.خطاك ياعزيز معاي مشكاه عيب واسكوته مرض .


71.خطاي من خطاك معاي سبق خطاك كافيت بالخطا.



72.خطرها خطاك العيب اللي معاي جا ما لا سبب.


73.خذيته وصار أمعاك رفيق زين ماهو أمطالقك.


74.خطيوبك مكان الجرح حطوك يا ضميدة عالخطا .


75.خوفنا بعد توبات جرونا مراهين ما فضوا.


76.دموعي علي لولاف شلال كيف ماره فالجبل.


77.ديما قبال العين سوا بعاد والا يقربوا.



78.دموعي علي لولاف أسقطن في صفاء دارن حفر.


79.دموعك عليه كبار غلا عزيز يا عين ذيبلك.


80.دهواري بلاهم خير لاهم ولا عرب غيرهم.


81.ديما اقبال العين عزيز لا تواري لا قسم.


82.دموعك عليه حلال عزيز كيف ياعين والدك .


83.دموعك عليه كبار غلا عزيز ياعين ذيبلك .



84.دوا مات غلا مرهون م النوم وين نوعي تصيدني .


85.دموعي علي لولاف ستين ألف وادي جلبن .


86.دعاي ياعزيز عليك أدعا حاج مولاي قابله .


87.ذنوب يا عزيز عليك سمار وانت في نومك هـني.


88.راقد وجاك النوم كذاب مو غلا نا جارحك.


89.رجيت والرجا ما جاب ننساهم الله غلب علي.



90.رماهن صفا ليام علي عويل مو قيسا لهن.


91.رجيتك وطال رجاك وانسيتك وما نيتي نسا.


92.رزاك عرف ما فيك صبا العقل ورماك طوطشه.


93.روامي أرمام العقل خطر عزيز حوما جابهن.


94.زعمه يا عزيز تسال والا سحبك ديوان غيرنا.


95. زعمه كيف صارا لموح مدعي غلاي مازال جابده.



96.زرعت زرع جاب أثمار جنوه ناس ما نالوا شقا.


97.زعزاعة الياس تغير ع العين وين ما دارت نما.


98.زعمه ما يريدا لعقل يزها بيك ولا يوم ياعلم.


99.زعمه كيف صارا لموح مدعي غلاي ما زال جابده.


100.زلازل وفيض ونار غياتك براكين خلفن.


101.سقوه من نقيع الصبر ينسا عزيز مابا خاطري.



102.سياتك صقيع جمود حطيتهن علي نارك طفت.


103.سمرن نين ماح النجم حتمن ياس غاليهن غفن.


104.ستين الف جوز طبيب الجرح جار عانوه كادهن.


105.سفا رديم ع النيران العـقـل وين مافيهن وحل.


106.سحبه صوب مرهونين العقل ما عليه والي نشد.


107.سريب صوب جا للعقـل نساه يا علم طاري الهل



108.شلال من شراب عزيز دموعي علي ياس العلم.


109.شدي عزايمك ياعين يفـني العمر يابال الغلا.


110.شكاع بارقه ما بات غلا جديد لا في خاطري.


111.شكواك له امغير معار للي عليه ماجار فاهقك.


112.شكواك وانت داك كبير للي سليم بورة حا سرة.


113.شراب في المفاصل ذاب غلاك داه ما لا دواء.



114. شقانا وراهم ضاع سعد الغير جا فيهم قوي.


115.شرهان خاطري بغلاك يطولك ولا راضي ع البكاء.


116.صبا العقل يوزن فيك لقيك ردع لوطان كلهن.


117.صبار والكواين فيه شديد شديد عزم ثاريت خاطري.


118.صبرن يا عزيز سنين اللي قبل يوم يكيدهن.


119.صبا لي وزير الياس نساني غلا مو برادتي.



120.صنم شكيت له م الياس جبر بخاطري وقال يقسموا.


121.صعوده تهابي فيه غلا عزيز يا عين كايدك.


122.ضليتي ضلال كبير وراء عزيز يا عين الحياء.


123.ضليله وراء مرهون العين م ا لبكاء نين أنعمت.


124.ضليله وراء مرهون العين م البكا نين انعمت.


125.ضليله رايها مازال العين بالمراهين شاقيه.



126.ضليله وطت في حوض تطول في عزيز وتلتغب.


127.طباعة غلا مرهون تناوض علي رأس حولها.


128.طروا عزيز ع الغفلات سهيت نين ما فيدي وقع.


129.طارح فراش الياس العقل نام نومه ريحه.


130.طالب الله فزاع بيني وبينك ما ايصير وداع ليوم الآخرة.


131. طبيب لطبيب ايقول ايموت بينا راك تلمسه.



132. طبيب ياعزيز غلاك صفق ايديه مولاقي عزاء.


133. ظليمه عليه الصبر جرحه جديد مازال خاطري.


134.علي اثر جيرته مرهون تما بغيبته ما ينطري.


135.عليه أبشري ياعين عزيز كان مرهون وفضي.


136.عليها شرار النار غيات المراهين يعلم.


137.عليهم لها مدات عزاز قابلوا عيني بكت.



138.علي غلاك نين تموت العين ياعلم بات رايها.


139.علي جار طالق نار غلاك وين ماجا لخاطري .


140.عليك بالعلم ياعين اللي عجاج ميراده طرب.


141.عليك خاطري مجروح وياعزيز ناويش درتلك.


142.عيب ياعزيز النقص وهن معاك دجاية غلا.


143.عزيز وقت نوم الناس سريبه يجي دون خاطري



144.عزيز وين ما نطروه يسيلن رقيقات الغرض.


145.عزيز هو سبب لنظار عماهن وما بايقودهن .


146.غفت العين جاب العقل سريب ياعلم طار نومها.


147.غلاي وين دار اثمار مشاله الياس وقطعه.


148. غنايا ونا معتاز العقل قال مالي ومالهم.


149. غني في غني مشتاق زعمه كيف لا ماهم يجي.



150.غربه وجا يـلين عليك زعمه ويش قانوك لهم.


151. غرض العين في مرهون سفاه الا لكن مضت.


152.غلاك عضم كسره قند دقداق ما جبيره تلايمه.


153. غالي علي لنظار حتي وانت مرهون ياعلم.


154.فدا عزيز مو ميجود كبير جا علينا فاهقه.


155.في علو ملزومات حدرن وين نباهن علم.



156.في زمان قل القدر لقي العقل لتراك خير له.


157.فراق ا لعزيز صعـيب تخريج روح يانا موعره.


158.فطنوا باقلال الدين علي مساربه تادروا حرس.


159.فراق العزيز صعيب والصبر في فراقا كادني.


160.قايله مع عقال العين حالفه ما تخونهم.


161.قديم جرحهم لولاف حقا وهم غنا ياما بري.



162.قفزات خاطري م النوم اسبابه الغنايا وجرحهم.


163.قليلة نجا ياعين من يوما وطيـتي نارهم.


164.قسمت ليلها ليلين العين في مراجيي غاليا.


165.كاس ياسهم في اليد يذوق فيه ويقول يقسمو.


166. كلت زنايقه تقديع العقل ياعلم نار الغلا.


167.كبرت نار شاطت نار ولعت نار في نار قابلت.



168.كبرن نار مرهونين كميتها علي جوفي رقت.


169.كثرن كواينك يا وقت وغاب عزمنا بيش نتقوا.


170.كانت العين مزار يجوها مجاذيب يوقعوا.


171.كبيره عليه العقل تجفاه دار ويعاود لها.


172.كنيب تشغلي مولاك علي عزيز يا عين أغردي.


173.كذاب يا منام الليل تجيب في ناس طال ياسهم.



174.كنيبه مغير ايام سعد الياس مو ديما قوي.


175.كذاب من تشيط معاه ويقول نا نواري نارهم


176.كميته علي جار غلا عزيز نشكي بالمن.


177.لو كان بعذابك حاس عزيز ما جفا يا خاطري.


178. لو كان ما خلق مولاي مغير أنت وأنا والغلا.


179. لو كان الوطا تنشال نشيلو عزيز ومقعده.



180.لو كان يقسم المرهون نرجوه ما علينا في البطا.


181. لو كان يا منام الليل تبقي رسيل بيني وبينهم.


182. ليش يا عزيز ادير الصوب وأنت عابي ع الخطا.


183. ليالي مضن وايام طلبنا الله لا أتعاودهن .


184.مغير مذهب الرايات الا العقل رأيه مودعي.


185. مبدوعه نديروا صوب تصير في عقابه مخادعه.



186. مرهون تحت ناس عزاز رزاني وناره مقايله.


187.مرهون يالعين أنسيه ديري عزاوين واصبري.


188.مرهون جاصداف العقل عليه تبت توباتي نقض.


189. مرهون ماعليه رباط يخون ويما قابل نظر.


190.مرهون عند شين اللون غلا عزيز ياناري اقبي.


191.مرهون عند شين اللون احجر نباه ماعاد ينطري.



192.مرهون دارلك ياعين سراقة غلا نين ذيبلك.


193.مرزي العقل كا مي داه من خوفا يشاكيك تنكره.


194.ما طبيب داوا داي تعال يا سبب داي شوفني.


195.ما تقول فيهن زول بعد عزيز لوطان سوتهن.


196.مالك في الغريب نصيب علي هلك ياعين عاودي.


197.نستاهل انكان الحمت نار طافية نابشتها .



198.هني كان هم لولاف بعد رجاي يا عين طلتهم .


199.وحلت فى ضلال العين كبرت نار ع النار لوله.


200.يزازن بنار غلاك الانظار ياعلم واكلتها .


201 ..خان غلاي وقسمي لطه خنجر بين اضلوعي حطه


202..ياجياب نبا فرقاهم ياريتك عديت معاهم


.203..يا جياب نبا الغوالي ياريتك ما قلت الوالي



204..هداهدود الي خبرها جاب نبا العزيز قهرها


205..عزيز اقسامه ريح خريف ايطلطن ماتعرفهن كيف


206...نا والعين شقانا زايد *ترقيع البايد بل البايد


207...عندي عل المرهون دلاله نغمزله قدام اعياله


208...يا مرهون مراتك نيه كيف انجيها تفرح بيا


209..الحوش الي قالو ما انجيه ما اندير اعويله الافيه



210 ..ذابت عليه الكبد عزيز غير ياعين ما قسم


211..اللى جبنونة كى القمر علينا ياعينى خاطر


212..عيون اللى مربى ع الليد ايبوع واحى صيد بعيد


213..صباره عيني ما اسمحها حتى كان عزيز جرحها


214..نهونى عقالي مابيت بروحي عا النار اداعيت


215 ..عينى سالت يوم خطاهم وانعميت ساعة فرقاهم



216 ...عزيز بعد ما دار خطاه توازت بدري نا واياه


217...يا لانظار مسكته صيدي فكنه لاقسام امنيدي


218 ..عندى عين اشكا ما تشكي لكن وين اترايف تبكي


219...من خونه لولاف او جاي انخلط في نومى با ابكاي


220... ياعيني عا الدار حلفتي لكن جروك وخالفتي
الرجوع الى أعلى الصفحة اذهب الى الأسفل
قشعراني
عضو مشارك ممتاز
قشعراني


عدد الرسائل : 3073
العمر : 32
العمل/الترفيه : طالبه
المزاج : الحمد لله
SMS : كفاني عزا أن تكون لي ربا
و كفاني فخرا أن أكون لك عبدا
أنت لي كما أحب
فوفقني إلى ما تحب
........
اللهم ارزقني حبك وحب من احبك
وحب عمل يقربني الي حبك
ألدوله : 220 غناوة علم على جميع الفواهق Female49
تاريخ التسجيل : 14/02/2010

220 غناوة علم على جميع الفواهق Empty
مُساهمةموضوع: رد: 220 غناوة علم على جميع الفواهق   220 غناوة علم على جميع الفواهق I_icon_minitimeالثلاثاء فبراير 01, 2011 2:23 am

مشكوووووووووووووور اخي المنذر
علي الغناوي وعندي شويه غناوي

العين
اسمورك عقاب الليل ...زمرض جديد يا عين جايك
لو كان كل شي ياعين ......تبكي عليه ماعاد تسكتي
ليل وخلا ووحدك .......ظني العذر ياعين منقطع

النوم
النوم يا عزيز بلاك.......... نسمع بيه ماني طايله
صاحب صوب تهايا فقده ........نوضن مي ساعة شي رقده

النار
في العقل غير موشكاي .........جرة النار ياما دايره
ما تكبر نار وتهلبها .........ديما دير احساب عربها

الدار
الدار بعد غيبت غاليك ...........حلال تجيبلها كاشيك
قلنالك ردي رديتي .............بحتي في الدار بكيتي

الخطا
مستوها نهار خطاه......الناس نين قالو بعزمها
عابر سبيل يوم خطاه .......اشفق عليك ياعين ملبكا

البكا
اللي علبكا ينهاك .......غايب اليوم ياعين اذرفي
ابكي قجي ياعين ابحور ......علي لوعة خاطر مكسور

الغني
اغني قديم ونسيناه.....وفضي جديد جيناه ارتهن
غني قلنالك قلتي وين ......تهايا قلنالك ياعين

الطفاي
دارت في النار فجاوي .......والطفاي ثقيل خطاوي
ياطفاي اهلب للهلبه.........جاتك نار غني منصلبه

الظلم
تقول ظالمين ايتام......لاطين في الغلا وفي كل شي
عليك ظلم يا ظلام ........اللي لي مني توتخذ
ظلمت خاطري وخلاص.......تبديلة القديمين واعره

الليل
الليل طويل علي اللي رايق.......يابال اللي علما ضايق
ليل طويل اقصر علرايق.........واطاول علبال الضايق

الغطا
مقلل يا العزيز هناي........تجيني وين انكر اغطاي
كريت الغطا بشويش ........زوبكيت نين فشيت خاطري

الياس
الياس وارثه ميراث.......جدي مات والبوي عقبه
لوكان يا الياس اتموت........غلا عزيز مانك واخذه

الدنا
عزيز من دناه ايست.....ونريد غير طاريه سادني
عزيز ايسنا من دنواه........يسد ويكفينا طرواه

السيه
سياتك اللي من هلك ......يا العين تشكيبهن لمن
برك من جور سوايا عيت .....قديمين جملنا لوريت
سيه نرقد نوعا بيها ........من غالي ماني ناسيها

السيول
يوم خطاه اسيول ايجرن .......في الناس وفي الحيط ايكرن
اسيول دمع يوم خطاه .........محن جميع ماجا اصدافهن

التنماي
موش جديد اليوم غلانا ........كي شغل التنماي ابكانا
غلاي موجديد اليوم ........البكا شغل تنماي يا قدم

الندم
سيورك تندم واتجينا ........تلقانا مع الغير اشقينا
نادم علعمر اللي عدا .......الاالقديم الله لا يردا

مكر
اقدم نمكر فيهم وانكيد.....احذاهم داير صوب جديد
مكرا في القديم وكيد.........انديرلا جديد ايجاوره

العقل
العقل يابعاد الدار ........يقعد معاي ويمسا عندكم
يطافر انهدي فيه.......العقل واجعه موح دارهم

التلذيع
عمرك ريت بعدها بدعه......نظحك من تسطير اللذعه
سماحة الغلا تلذيع......واسمور ليل وبكا وقطمره
الرجوع الى أعلى الصفحة اذهب الى الأسفل
ALMASA
عضو
ALMASA


عدد الرسائل : 29
العمر : 83
الموقع : هنا وهناك
العمل/الترفيه : محاسبه
المزاج : رايقه
SMS :
إذا المرء لا يرعاك إلا تكلفاً

فدعه ولا تكثر عليه التأسفا

ففي الناس أبدال وفي الترك راحة

وفي القلب صبر للحبيب ولو جفا

فما كل من تهواه يهواك قلبه

ولا كل من صافيته لك قد صفا

ألدوله : 220 غناوة علم على جميع الفواهق Male_m12
تاريخ التسجيل : 29/11/2011

220 غناوة علم على جميع الفواهق Empty
مُساهمةموضوع: رد: 220 غناوة علم على جميع الفواهق   220 غناوة علم على جميع الفواهق I_icon_minitimeالثلاثاء نوفمبر 29, 2011 6:52 pm




العين باكيه واجد ** علي عزيز مو باكي بها
الرجوع الى أعلى الصفحة اذهب الى الأسفل
 
220 غناوة علم على جميع الفواهق
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى شباب درنه :: المنتدى الأدبى :: درنه غناوى و شتاوى-
انتقل الى: