بكيت مريضة للشاعر صالح بوعياد

بكيت مريضه .. خيرمن علل واجد وفيه قريضه .. اللي ينشدك قولي
********=*********

بكيت بروحي =وخلك تهاجي ف المساه وصبوحي
راني مريض معقرات جروحي=وزادن معاي بطول وتعوريضه
من شان خاطري خلك حذايه نوحي=مريض وين نبرا طريقك بيضه
*********=*******
ابكي بدموعك ما يسالك والي =وفضي علي بالك وفضي بالي
واللي ينشدك قولي بكيتي اتسالي =عندي دموع العين فيهن فيضه
من شان خاطري نوحي حذاي ليالي =عندي جفن عين اوحلت في تغميضه
**********=***********
مريضه زكمــــــــــــــه =ولا مريضه من جراير لكمه
وعيون واجده كيفك ولاكن تكمه =وعيون دايرات السر كي الفريظه
واللي ينشدك ردي عليه بحكمه =نقيض من غزل واجد يتعبك تنفيضه
********=*******
بكيتي ابصاره =وجيبي اعذار اتخيل ع الفساره
وقولي بكيتي محصله غثاره =قطير من عرق نازل من اوقات القيضه
وعندي دمع راد معا ميوح ابياره =ولا لايروب ولا يصح مخيضه
نبكيبه خير مايمشي علي اخساره =سبلا وصارت طرفتي توقيضه
*********=********
اللي ينشدك قولي مريضة عقره=واصحي من اعيون الناس سرك تقرا
وقولي داربي سطار نازل مقرا=علي عرق لاعك في الدماغ نفيضة
ومن شان خاطري خلك علي هـ النقره =حتى وهي ادموعك ما اتدير نهيضه
**********=********
ابكي وديري صرفه =واللي ينشدك قولي مويه طرفه
سوا من اقراب الدم ولا عرفه =خلك علي باب السر حفيظه
والناس موش ناسك لولمه منحرفه =الناس عندها للصافيه تخويضه
ورا الصبر كي تلقيه حاجه طرفه =والمومن ان كان اغتاظ يكتم غيظه
ورا الخلايق كل حد وبضرفه =غير في من خافي عليك جضيضه

مشكوووووووووووووووووووووووور صاحب قديم ...


اختيار اكثر من رائع....


كان بكيتي وطي حسك&&مانبي مخلوق ايمسك

شكرا اصدقائى على الردود