الله ايسامحك

الله يسامحك يلي مشيت في شوقي وشوق الانظاري

في شانك شبابي كليت امغير عل الشوامت انواري

في جمر نارك وطيت بكيتني وياسك اصداري

في جرتك ياما جريت نحسابك اتقيمهن اقداري

قدام العرب كان هفيت نستاحش يضيقن حضاري

كان علبكا ياما بكيت عليك يا مشتت افكاري

عزيتك ذراعي لويت الحق ياخذه منك الباري

العين للجفا ليش وديت وهي بالموده اداري

امعاي بالخطا ليش كافيت بكيتني وبانن عواري

ما عاد كيفك القيت في الدنيا يجلي جذاري

نلقانها اني فيه ارتزيت عيون من اسمى بحاري

كمين ياس بينهن ابقيت علي عالنات الطواري

واقضاتلي كان غاليت علي ايدي انكوي اجباري

ابكا وجض راه عمري خذيت وليلي قرن في نهاري

بين البكا والتفاكير متقسم الخاطر منامه

خذيت على البكا والتقاهير امروم عليهن اروامه

يا نا الي عايش ظرير وصارلي مصار اليتامى

ساقيني عزيز المرير ونسيني ومقوى عزامه

اعزوم مانقدر اندير لوكان غير شالن اوهامه

مع دف كل بندير من شوره انجيه انتهاما

عزيز تلحقه قلت الخير عزل افطامنا من افطامه

في الجوف داير وغاوير امغير عاركن دونه ايامه

العقل حايس في التدابير ياما لطشن به اقسامه

وان جا الليل معاهن انحير تاعباتني تفاكير يامه

من الي عينها تشبه الطير شاهين جلي اكمامه

من الي خدها داير بهير اوسالف عليها اكلامه

من الي جرحها في قورير اتجيني امنين السلامه

مازال في جرحي سطير والدمع فايض اجمامه

رنين صوتها في التعابير ايطرب ولايل انغامه

صاحب الغلا عقله كبير وقير من العسل لذة كلامه

ايفوت الذهب في المعايير غالي وغالي ملامه

منوووووووووووووووووووووووور بقوة يا ايبس

مشكور مشكور

عالهذه القصيدة الرائعة

ننتظر مزيدك

قصيده جميله مشكور اخي