أسمحي لي أنتي وأبن درنه أوتي 91 علي الرد هذا لأن إلقيتا وأنا نتصفح المنتدي مشاركة أبن درنه...
بكاني جديد اليوم ّّّّّّّّ~~~~~ينشد عليش خانوك القدم
جديد وقديم وزنت ~~~~~القيت فرق ياما بينهم
حتي وانت فيك النار~~~~ مازلت خضر ياعود القدم
حتي والجديد اطعمه~~~~ يحكي العقل مازال عالقدم
نخاف ياجديد عليك~~~~ ننساك في امهايات القدم
ننساكم اتجوني حلم~~~~ كنكم امعاي ياعيت القدم
بكيت فيك نين ابطلن~~~~ ان جاء قديم يا دار اشهدي
امعا جديد راق العقل~~~~ علي قديم ما عاد نلتفت
مالقيت للجديد مكان~~~~ اللي اهناك جت دوب القدم
تلذيع القديم اقهرك~~~~ وان درتي جديد ياعين شاوري
انموت يدفنوني فيك~~~~~ وصيت هلي يا دار القدم
داواني جديد ابريت~~~~ وانسيت تلذيع نيران القدم
لو كان الغلا كي ابعضه~~~~ دورت جديد يا عين ساهله
جديد ماملالي عين~~~~~ هذا بيش رديت عالقدم
قديم مادعيت عليه~~~~~ ضريته بنيتي الصافيه
حكيولي ابها مابيت~~~~~ تبديلت القديمين بالجدد
انخاف كي اندير جديد ~~~~يفضولي قديمين ننقهر
ظلمت خاطري اوخلاص~~~~ تبديلت القديمين واعره
انسي لولي اوغلاه~~~~ ابدي جديد يانار اولعي
سيور الجديد قديم~~~~ بعد اسنين ياعين فالغلاء
حلال ياجديد عليك~~~~ العقل كان طلتا مالقدم
اليوم بجديد امطرت~~~~ فكت اجذاب صوبي لولي
الساهل اتدير جديد~~~~ والواعره هي املاقات القدم
ملذوع من قديم انخاف~~~~ انغالي جديد منه نلتذع
ماللازم العين اتدير جديد~~~~ مكرا فالقدم
سقيوه من نقيع الصبر~~~~ ينسي قديم مابا خاطري
ازعمي كي انموت نظيف~~~~ نلقي قديم في دار لاخره
نلوي بعبرتي مازلت~~~~ لاني جديد ولاجيت بالقدم
قديم كان عليه بكيت~~~~~ تهوين ما طمع في جيته
علي قديم بيش انغلي~~~~~ اربيت قزن وايدي خاليه
,~~~~~~~ماكيف القديم قديم~~~~ حتي الجديد نين قالها~~~