خبر عاجل (مدرسة المنار)

السلام عليكم يا اخوه واخوات

واهلا وسهلا بيكم

الايام هدنى ايام زفته بالنسبه لمدرسة المنار او الصفاء

طبعا كلنا عارفين انه تم تغيير مدير المدرسه ومسكينات الطالبات جابولهن مديره جديده

وهى صعبه شوى (ويقولن الله يرحم ايام مديرنا القديم كان مدلعنا)ولكن للاسف المديره تمادت على حسب ما

يقولن وقالن اخرى ان اول يوم لها ضربت بنت كف (حراااااام)وزادت على هدا انها فصلت جميع المدرسين ...

وبنات يقولن لأ هى منعتهم من تنظيم الصفوف والتجول فى الممرات ...والمدرسه اليوم قالوا منقلبه رسمى

ويشكن قالن ما فش نظام بكل وانه حتى النشيد الوطنى اليوم مغير دروه من اول يوم لها

وان الاغانى الوطنيه اللى يحطوا فيها فى حصة الفطور اول امس بس فتحتهن .

ولذلك هن متعقدات بكل فألفن كم غناوى وشتاوى (نسيت انقول قالن الاساتذه حطتهم فى الكوجينه

اليوم بس قعدوا فى المكتب)

الغناوى هن:

زروهم فى الكوجينه زر بعد ما كانوا فى الممر

لانى رايق لانى مقهور بلاهم حايس فى الطبور

تمينا كيف عيال الروضه عدوا اللى يهدوا فى الفوضه

يالمديره عدى عدى وحدودك راكى اتعدى

معاهم ما رينا سيات اللى عدينا كى الخيات

بلاهم ما تحلا القرايه استاذيتى من اولى معايا

راهى ما تهونش علينا قعدتهم جوا فى الكوجينه

يابنات عليك اعطاب ما رينا حتى وهاب

تمينا نبكوا بالدمعه لا رينا قاسم لا جمعه....الخ

بصراحه انا صاح طلعت منها المدرسه لكن بصراحه الموضوع قهرنى

يعنى المفروض انها تقدرهم وتحترمهم يعنى مش معقوله تمهزل بيهم هكى مش لدرجة الكوجينه

وقالوا اليوم من الفوضه اللى فى المدرسه جت شرطه كانت مخطمه

(صاح يقولوا ان مدرسة المنار فوضويه بكل لكن المديره هدى قالوا انها ما قدرتش تسيطر عليها وهى لها

اسبوع جايه)والبنات يقولن واولياء الامور انها لو ردت الاساتذه توا ها يسيطروا عالفوضه وهاتكون مدرسه

منتظمه...يعنى بأدارة المديره الجديده والاساتذه ..هى ما قدرتش عليهن ...

هدا اللى سمعته من بنات مدرسة المنار

امممممممممم بما انه سمعتي مش معقوله في استاذه وابلات يرضن القعده في الكوجينه الا اذا كان لقوا لحم وبدوا يشووو عاد كلام اخر



مع اني مش مصدقه لكن الله اعلم
تقبلي مروري

تبى الصراحة لو فى وحدة اخرة زى هذة فى كل مدرسة انا نفرح عارفة ليش عشان بنات درنة فى اعداد المفقودين بنسبة للشباب حتى الا يفكر يبى يرتبط بعلاقة زوجية تما ايخاف من بنات البلاد وتحول الى المناطق الاخرة مثل بنغازى وطرابلس وغيرها وخارج البلاد تقبلى مرور ونقدى لموضوعك مع جزيل الشكر زينا

مشكوره واااااااااااااااااااجد روز لكن للاسف ما فش لحم.. والله هدا الكلام اللى ينقال والله اعلم

اها مشكور حتى انت يا ملك ..ويا اخ متقبله مرورك ونقدك الاكتر من رائع..شكرا

عاااااااااادي
بس بنات مستغرباااات الصعووبه

نحن سجن ابو غريب
ههههه
وعايشين عااادي

بس المدير هوااا لي جابها الروحه الفصله


منوور موضوع حلو بجد
وانا ضد القسووووه في معامله
وربي يخفف عليهن وعلي
انا بنات خالي يقرن في الصفاء
لغه عررربيه
توا خايفات من مدرسه
تمت عندهن حالة رعب
واالله

اها حتى انا بنت خالتى تقرا غادى وهى اللى تجيبلى فى الاخبار

وبصراحه هى مدرسه ما تنطقش من غادى وزادوها بزايده

ههههههههههه
تريحت منها المدراس بس واللله لو نرد نقرا فيهن احسن من الجامعه والله خير بواااااجد
خوي ملك مع جزيل الاحترام لكن تعرف انت غلطان صوابع ايدايك مش زي بعضهن ومشكلتكم انتوا الشباب يلي تسمعوها اتصدقوها يعني اي بنت ممكن يطلعن عليها اشاعات عادي جدا وتوا اقاربئي 90% من بنغازي وفي في طرابلس كلهم يدوروا علي بنات من درنه وهم واخذين نفس الفكره
علي بنات بلادهم ليش فكر وتوا تعرف ان فوق من نصين الكلام كذب والشيء هذا حرام


مشكووور خوي
تقبل رايئي
والاختلاف في الراي لا يفسد للود قضيه