قصيدة الشاعر صالح بو عياد "الاصحاب"

"قصيدة الأصحاب للشاعر صالح بو عياد"
اصحاب ننشد عنهم.....وماينشدوا كيفي انضرهم كنهم
كان عذرهم غيرالضروف لهنهم..... مجبور نقبله حتي وهو مشنوني
مافي مافتشت ماجا منهم.....تفتيش المذابح نا عليهنهوني
وانكان الافعال الطيبه زكنهم..... مافي مانكش علي مدفوني
وان صار العدد عامات مايسدنهم.....وهم يحصدوا فلي بها بذروني
من غير حسد عاطيهم الله يغننهم.....مقهور من مواجعهم وجو حسدوني
وما من جواب الواجدهاسبقنهم.....قديم في جرة حرث نا لقيوني
وهم فلعقاب زمان هم مسكنهم .....في نين حنضل كلني زرعوني
وبهالشي نامابيت شي نركنهم.....مديت ليمنه بليسره لاقوني
حولت عنهم قلت ياك ايجوني.....رايفت جيت لقيت مايبوني
اصحاب غبت عنهم درتا بلعاني.....رايفت ماوالي مرايف جاني
راجيتم بطوعني رياف لواني.....جيتم مرايف غير ما عرفوني
جيتم لقيت فيهم خياجواني.....ويعايب علي لقصي لقيت الدوني
اتقول جايهم واحد طرف براني.....وين كنت ويش تريد مانشدوني
دومت نبرم منقلب ميزاني .....قلتلهم فلان استجحدو أنكروني
حسيت ملزعل ضاقت علي اوطاني .....قبل حوتني بيدي عميت عيوني
قعدت نرتعش كبيت ماوضاني .....ادموع كنت طامرهن ونا قزوني
ونا دونوه القزن في ديواني .....من قبل بوي يموت ويعزوني
وبديت من جديد ابعده قزن اسطاني.....وكمين موجعه دسيت في مكنوني
والنوم يعرفوه ايحوش علشبعاني..... ونا نريد نغمضهن عليش اجفوني
لا في غدا محسوبلي قناني .....ولاعمر في وجبت غدا اعزموني
ولاهلي عشوني ولا جيراني .....نقدر نقوللهم كذا عشوني
وسامحت من قلبي صدق ايماني .....عطيتم سماح نضيف مومشنوني
ونا اليوم متريح وبيتي باني.....واساع يكبرن بذن الكريم اجروني
انعاطي بلا امنه كريم عطاني .....تريس يسلموا كي يكبروا يذاروني
يرعاهم الله ملوقت والمعيان.....وما يرافقوا عنهم أنسان فتوني
خطرها الامادار في زماني .....واصحاب غبت عنهم غير ما افقدوني
ولاجيتم عريان لاجيعاني ..... ولاجيتم طالب عشاء واشوني
ولاجيتم قاصر علي دخاني .....ولا جيت قلتلهم كذا كسوني
ونلاقي اللي باطيبه لاقاني .....ونشري اللي بلطيبه يشروني
اسقي بوي من جدي وبوي سقاني.....شاربين من كاس العصر وسقوني
علي طبع لوحسدي ولو شراني.....اللي رفقه فيها بها ربوني
وطعام الجفا مايطول راس لساني.....لنزمطه في ريق لو تكروني
ومازلت ناكل من اثمار اغصاني.....ومازلت ماقلت للعرب غطوني
ونصبر انكان اغطاي ماغطاني .....نين الشتا يهلب بصيف حنوني


ياريت تعجبكم لأني حبيت انكم تشوفوها وتقولولي تعليقكم عليها

قصيدة مش عادية بلكل وعارف خوى قشعرانى جت على الفهق بس صحيت صحة لك وانشاء الله ايكون رد مقبول

شكرن يا ملك علي مرورك وانشاء الله ما تجرب هلمواقف بس انا اخت مش اخ

مشكووووووووووره خيتي ,,,

على فكرة الاسم غريب جدأ بس مكنش قصدى لان والله كنت نحساب شاب مش بنت زى العسل انشاالله تقبلى اعتذارى

الله يسلمك اوتي91 وياريت تكون عجباتك

شلال درنه شكرن علي مرورك وما يمك شي تعبك راحه مادام اللي شافنها عيونك

اعتذارك مقبول ملك السواقي لان السم غريب اصلا وبعدين انا معنديش علي جو الزعل ولا انحب حد يزعل مني

شكلة الاعتذار مش مقبول براحتك وشكرآ

هكى تعجبينى لان مفش حاجة مستاهلة منورة قشعرانى انقولك حاجة نبى نختارلك اسم من عندى تمام لان والله قشعرانى ماهو لكى على فكرة نبى نعرف كيف خطر عليك الاسم

الاسم اساسا كان غلطه نبي انقول اسم قلت قشعراني وصحباتي البسني علها ومشا في وبلنسبه للأسم اللي تبي تسميه لي ما عنديش مشكله قولي شنو