اصحاب الوسع ,اصحابك اللي في الضيق ما تلقاهم

"اصحاب الوسع"
اصحابك اللي في الضيق ما تلقاهم ***** ولا ينهضوك ان جيتم مضيوم
سكر عليهم سيبهم وانساهم ***** واقطع معاهم كان فيه ادموم
اصحاب الوسع فيسع ايبان اخياهم ***** صحبة مصالح ما تريد اتدوم
مبني علخساره بيعهم واشراهم ***** في وجك اصحاب وفي قفاك خصوم
اثياب بيض من بره وسود انياههم ***** وفي ضنهم انت اللي متهوم
انكان جيت متضايق تريد ذراهم ***** تلقيفي السفاله عندهم دبلوم
الجوع يقتلك وانت طريح احذاهم ***** ولا يذكروك بقولهم مرحوم
كلا ضنا لجواد قول حشاهم ***** حتي ان ماهم واجدين اليوم
ديمه علي درب الصواب خطاهم ***** ويديروا الواجب كان جيت تلوم
ايحاموا اللي خايف يريد احماهم ***** ويردوا الطاغي في نهار الشوم
لايجوع لاينضام من خاواهم ***** و لا يهلبوه انكان جاتا قوم
وما يفرقو بينا وبين ضناهم ***** امعاهم يعيش وفي هنا متموم
كيف الذهب لصلي شهير نباهم ***** لا يبيد لايصدا رفيع السوم
انزل اخذاهم وين ما تلقاهم ***** اللي في النخاوه عندهم ريسوم
وسكر علي اللي صاف من راجاهم ***** ويزيدوا علي هم الزمان هموم

يا ريت يكون في وااجد زيهم ,,,,,, شكرا

سلمت يداك قشعرانى

وربى ايباعد عليك و علينا

اصحاب الوسع

منورة اختى قشعرانى لان اليوم غير عرفتك بنت
ام بالنسبة للقصيدة جت على الجرح بس ناقها حاجة فى الوزن بس انتى اكيدة مكملتها

والله اوتي 91 ضنا لجواد خاصين في هلوقت وانشاء الله ايكونو الاعضاء منهم

فعلا صحبة العدو زي ما تقول ل جديدا أنشاء الله ما تشوف زيهم وربي يرزقنا الرفقه الطيبه

لاتنظري الي المجتمع نظره تشاؤوميه
شكرا قشعرني صح الناس مش نفس بعضها

ربي ما يوريك اجروح ياملك وهذي مني لك :عدي ياعين اللي راحت ....بين ايديك قزاز وطاحت

كلمة حق انا ذكرت النوعين بس بصراحه النوع الاول رايح مغلب وهضا واقع مش تشاؤم اكيد الناس مش كيف بعضها بس الغالب

ان شا الله نقعدوا من النوع الثاني
شكرا ياصقع موضوع حلو

عندك اسلوب مش عادى فى التعبير قشعرانى شكرآ على البيت

الله يسلمك هضا بعض مما عندك وبلنسبه للبيت الشكر لله

مشكووره جداا ناني علي هذه القصيده

منوره

قشعراني بالنسبه لي الحمدلله عندي حظ حلو في الرفقه الا مره وحده واعوذ بالله من ان تكرر
امنووووره وقصيده حلو بجد امنووووره يانور المنتدي