الطب فى ليبيا !!!!!!!!!!!!!!!!!!!!!!!!!!!

السلام عليكم
الي متي السكوت علي الظلم
كل يوم نفكر وين مشكلة الطب في ليبيا وشنو الحل معاها
اني في رايي ان السكوت مش حل للمشكلة نهائيا ولا الشكوي حل لان (الشكوي لغير الله مذلة)
لازم الليبيين كلهم يفكروا ويتغيروا ويكونوا يد وحدة ويقولوا لا للعلاج خارج ليبيا(ان الله لا يغير مابقوم حتي يغيروا مابانفسهم)
اني لما فكرت وصلت لشوية اسباب للمشكلةورح نرتبهم حسب الاهمية:
1_المرضي:عدم تقتهم بالطبيب الليبي وعدم احترامهم له فكيف سيعالجهم واكيد القصص الخرافية اللي يحكو فيها لبعض وتقييهم الخاطئ للطبيب من اعطاهم الصلاحية لهدا
ساحكي لكم قصتين:
الاولي :في يوم اصبت بنزلة معوية حادة فدخلت المستشفي وجلست علي كرسي انتظر دوري فجاة سمت امراة تصرخ وتقول شنو هالدكتور اللي حاطيته نوضو روحو خير من يضيعكم ويقتلكم ومشت روحت بعد ان بتت الرعب في قلوب المرضي نظرت للمرضي من حولي فدهشت من نظرة الرغب التي ارتسمت علي وجوههم وفجاة غادر اغلبهم المشفي لخوفهم وتاترهم الصراحة حتي اني تاترت وخفت هلبة
واخيرا جاء دوري ودخلت ووجدت طبيبا ماشاء الله قمة في الاخلاق والاحترام فسرعان ماهدات نفسي فكشف علي واعطاني العلاج وماهي الا ايام وشفيت تماما
ماذنب هدا الطبيب الدي يسعي جاهدا ليعالج المرضي .مريضة لاتفقه في الطب شيئا تقيم طبيب افني عمره في الدراسة والوصول الي مراده
ربما العلاج لم ينفع مع ابنها وكان سيغيره او ربما الله لم يكتب لابنها الشفاء علي يد هدا الطبيب او ربما كان الطبيب قد اخطا مثلما قالت
(جل من لايخطئ) المفروض لا تتصرف هكدا امام المرضي و تحترم الطبيب ولو قليلا
القصة التانية :صديق اخي مرض فاخده اخي للمستشفي
وجلسوا ينتظروا دورهم فادا بامراة تصرخ دخلوني اني الاولي توا توا ومتع الريسبشن يقلها بري قعمزي ياحاجة دورك مازال في هلبة مرضي قبلك وهي تقول لالالا اني بنخش توا اتظن انها وحدها بالمشفي ولايوجد مرضي غيرها الا تحترم الجالسين منذ ساعة ينتظروا دورهم
واكيييييييد لاننسي القصص الخرافية التي يرويها دوي المرض عن الاطباء قصص لا يصدقها الا ضعاف النفوس
الحل :انا لو مني احرم اي شخص يصيح بالمشفي ويروي قصص لتشويه سمعة الطب بالحرمان من العلاج بليبيا طوال عمره
2_الاطباء :بعض الاطباء سامحهم الله لايرون الانفسهم فلايحترموا راي طبيب مثلهم فهم افضل الناس ولا احد مثل دكائهم ولم ينجز احد ماانجزوا ولايحترموا طلابهم ولا حتي مرضاهم ورايي ان هؤلاء للاسف لايحترمون حتي انفسهم
فما العيب ان تسمع راي غيرك ايها الطبيب (وامرهم شوري بينهم) اما ان تقنع الطرف الاخر او يقنعك ساحكي لكم قصة:
في احد الايام اني مريض مصاب بداء الكلب (rabies) نتيجة لعضة كلب مسعور له وكان في حالة خطيرة لانه لم ياخد اللقاح ولماذا لم ياخده هذه قصة اخري لن اخوض في تفاصيلها ...............المهم ماهي الا ساعات ودخل المريض في تشنجات وانتقل الي رحمة الله
ادعوا له بالرحمة
مع العلم ان المريض لم يعض احد ولو فعل يجب اعطاء اللقاح لعضو الطاقم الطبي الدي عضه المريض حتي لايصاب بالمرض لان الفيروس ينتقل من مكان العض الي الاعصاب تم الي الجهاز العصبي المركزي
المهم جاء احد الاطباء الدين لايرون الا انفسهم وامر كل الطاقم الطبي باخد اللقاح وهو علي مااعتقد عبارة عن تلات جرعات وسعر الجرعة اربعون دينار ويوجد في الطاقم تلاتين مريض وجاء طبيب اخر وقال لهم ليس للقاح اي ضرورة ........ولكن هيهات لمن يسمع ويعقل اصر الطبيب الاول علي اخد اللقاح وكان مايريد فانظروا الي التكلفة التي خسرتها المشفي عبتا ولربما مات شخص في امس الحاجة للقاح مثلما مات المريض رحمه الله
3-الممرضات:اين انتم ياملائكة الرحمة لانراكم الا جلوس علي التلفاز او في صراخ علي مريض او اهله ...............
وادا دخل عليكم الطبيب يريد مساعدة احداكن وانتن تتفرجن علي مسلسل نور فياويله وياسواد ليله........نعم هدا هو الواقع
اين مساعدتكم للمريض اين التعقيم والنظافة اين العطف والرحمة والابتسامة اين الامانة
اخر خبر اختطاف طفل رضيع من امه لطالما انتظرته في المشفي قصة تبكي القلوب قبل العيون واخر ماتوصل له البحث الجنائي ممرضتين ليبيتين واحدة تقول اعطيته لهده والاخري تقول لم استلم شئ ادعوا من الله ان يصل الي امه سالما معافي ويظهر الحق ويكتشف الفاعل ومن الفروض ان يشنق الفاعل عبرة لمن لا يعتبر وربي يصبر امه حتي تراه
4_طريقة التدريس وعدد الطلبة الكبير:طريقة التدريس في الكلية خطا في خطا العبء كله علي الطالب ولايجد من يساعده مافائدة الدكاترة يفتحو الداتا شو ويقروا منها ايعتقدوا اننا لا نعرف القراءة اكيييييييييييييييد في دكاترة ماشاء الله هدفهم مساعدة الطالب ولكن عددهم قليل جدا وينعدوا علي الاصابع
وكثرة طلبة الطب والزحمة في الكلية والمستشفي المفروض مايخشش طب الا اللي جايب 95%فما فوق حتي تكون فرصة التعلم والاستفادة اكبر وفرص العمل اكتر
5_نقص الامكانيات والمواد في المستشفي
6_الواسطة ومنعطيهاش نسبة هلبة لانها حل مؤقت يعني سلم بابا اللي نجحه ونجحها وبعدين من يجيبله المرضي
انتم شن رايكم اسباب فشل الطب في بلادنا وشن الحل معاها
ومش كل شي في راس الدكاترة ياسرهم احباط الي متي بيقعدوا هكي صابرين اكيد حيجي يوم ويتفجروا ويسافروا برة وين مايلقوا الاحترام
ودمتم سالمين

بجد بجد ربي يهديهم كلهم
لغلط من مريض ودكتور ول الممرضه او ممرض
كل وواحد ماشي في تيار بروحه.......نحن مش عارفين مازال قيمة الطب وعندنا امل في جيل جديد.....وان شالله يزداد تقدم في سنوات القادمه ...مشكووووور جوبا بجد موضوع لازم ليبيين كلهم يناقشوه

الطب فى ليبيا !!!!!!!!!!!!!!!!!!!!!!!!!!! 398856

الطب فى ليبيا !!!!!!!!!!!!!!!!!!!!!!!!!!! 398856

الطب فى ليبيا !!!!!!!!!!!!!!!!!!!!!!!!!!! 398862