نهاية ملك السواقى

ولآ انا مش عارف ايش نبى انقول بس بصراحة انا لازم نمشى من المنتدى
لاسباب ملهش دعوة بالمنتدى بلعكس عشت معاكم ايام الله يسامحكم فى كل دقيقة
ونبى انقول لكل من :__

0-درناوية 2020خلى ثقتك فى نفسك قوية ومتخليش كلام الناس ايهزك

1-قشعرانى راكى تزعلى منى لو فى حاجة ضايقتك منى

2-اوتى91 مفش داعى للحزن امتاعك وربى ايهنيك وربى يعلم ان كنت نبى انساعدك بس افشلت

3-سهرابة الله يسامحك دنيا واخرة وربى يحفضك انتى وبنتك

4-لولى ربى يعلم بمعزتك ومعزة اسمك عندى وخليك ديما فيلسوفة لانك وانتى فيلسوفة دمك خفيف

5-الوردة الحمراء انتى عضوة خطيرة بكل ماتعنى الكلمة وربى يكملك الماجسيتر على خير وخلى بالك من صاحبتك

6-وردة المنتدى محصلش الشرف انى انتعرف عليك اكثر بس ربى يعطيك على قيس نيتك وانا عارف ان نيتك طيبة

7-كلمة حق انت الشخص الوحيد الاى فاهمنى ربى يعطيك الصحة

8-ابن درنة انا اسف لانى مقدرتش انساعدك اكثر من هكى معلش لاسباب معينة وقوى عزمك المنتدى بدا يقوى بشكل غير عادى

9-درناوى ودارنيسى انشالله ربى يعطيك الاى فى بالك وانا عارف شنو الاى فى بالك

10-جوبيتير لما تقعد مقتنع بالحاجة خلك وراها لعند ما تجيبها

11-SAMO انشالله ايجى وقتك وانتعرفو على بعضنا اكثر

12-مايكل سكوفيلد حسيتيك اقريب منى وانا منعرفكش ربى يهنيك


ونعاود اسفى لاى واحد انا غلطت فى حكة ومقلتش اسمة
ومسك الختام السلام

حابة نقول انك انسان مش عادي بجد ، وحتى انا كنت نتمنى نتعرف عليك اكثر ، وخسارة المنتدى كبيرة بكل وانا زعلت واجد لما قريت كلامك ، انا مش عارفة شن نقول ملك السواقي اسمك محفور في القلب ،ا نا مش حنقدر نستمر في هذا المنتدى مع الاسف الشديد وانت مش فيه ، بكل صراحة ونقولها امام كل اعضاء المنتدى سامحوني انا نبي نطلع من المنتدى لان ملك السواقي مش حيكون فيه .