لو تميت مسؤل شنو أول حاجة اتديرها لدرنه؟

درنه هى عالمنا...عشقناها...وأحببناها
درنه تحمل كل معانى الحب والدفئ والجمال
درنا هى عروسنا ومهما قلنا عن درنه لن نوفيها حقها
يكفيك اسمها ليشعرك بمكانتها قل أنا من درنه وأنت مرفوع الرأس...........لكن!!!!
درنه ينقصها الكثييييييييييييييييييييير لتعود كما كانت..لتعود ألرونقها وعهدها القديم..لتعود لجمالها الذى سلب منها
غصبا...كل شئ فى درنه لم يعد كالسابق...ولن أسامح من كان سببا فى محى جمال عروسنا
ولقد ابدع الشاعر مصطفى الطرابلسى فى وصف حال درنه حين قال


عظم الله ياخوى أجرك فيها ...درنه انتهت واتريد من يرثيها
درنه كانت..طفلة جميله بالدلال ازدانت..من ظلم ياما ومن مصايب عانت..التاريخ يفخر وين ما يطريها
وماعمرها للغزو ليلة لانت...جيوش عاتية انهزمن على شاطيها
فى ثوب بالى اليوم تبكى بانت...لا ورد لايسمين فى واديها
على ناسها سبحان توا هانت...رجال غير فى ذكرى زهى ماضيها
خانوا عربها ماالدنيا خانت...وبالكذب والتزوير عاثوا فيها
شوف بحرها..وجول فى شوارعها وشوف حفرها
جف الشذى وماتن أغصان شجرها...خلاص انتهت قول السلام عليها
وأصحى مالعلالى يخدعك منظرها..سحابه زايفة قطرة نما مافيها
خسارة كبيرة والربيع خسرها...مأساة درنه اتطول لو نحكيها
ومهما بالكلام انقول ماانصورها...وختام الكلام الله يلطف بيها
عظم الله ياخوى أجرك فيها
لكن نا معترضة مع الشاعر فى انه قال انتهت باذن الله درنه قاعدة ومش حتنتهى
مادام نحنا فيها طولت عليكم لكن نبيكم تحسوا اللى حاسة بيه
سؤالى هو:لو جاتك فرصة انك تكون مسؤل كبير عنده صلاحيات أيش اتدير عشان تنقذ اللى باقى من درنه؟

اول حاجه انديرها انسقم المؤسسسه
اللي انا مسكتا "يعني انحول السراقه وامتاعين الواسطه "
وبعدين انشوف صلاحياتي وما نقدر انديربيهن
ومشكور قهر علي الموضوع وبصراحه السؤال صعب لان شنبي انسقم واشنبي انخلي يستر علينا صاحب الستر وخلاص

مشكورة قشعرانى لأنك أول من دخل على موضوعى وكل حد يبدا بنفسه توا نمشوا لاقدام باذن الله

ابن درنه كلامك صح فى صح انت شاب وتقدر اتدير حاجات وااااااجد لدرنه لان صلاحياتك اكبر تقدر تتفق مع اصحابك واتديروا حاجة لعروستى ان شاء الله يكون اللى نبيه يوصل وصل ابن درنه نبوا همة الشباب فهمتنى نبوا الموضوع يكون بداية لخطوات جاية وشكرا على مرورك