هل كلام الناس يلعب دور في حياتك؟؟ دعوه للنقاش

والله بسبه لناس في مجتمعنا لو شعلت اصابعك العشره شموع مستحيل ترضيهم
لان بجد لو درت شي كويس لازم يطلعو عيب ولو درت شي مش عاجبهم طبعن خوذلك على نقد
وبما ان لاهكي يعجب لاهكي يعجب

يبقى لواحد يديرلي يرضيه ويرضي ضميره
لان نااااس وصلو لدرجه ان حتى حاجه لي مش فيك يحطوها فيك واكثر من ينقو طبعن الجيران واللي يسكنو في نفس منطقه تلاقهم فاضيين ويحكو على فلان وفلان
لذلك طنش تعش عيشه سعيده للغايه
ونــاس مستحيل يكمل كلامهم

صحيت ابـــــــن درنـــــــــــه
مشـــــــــاركه حلــــــوه سلمت يداااك

كلام الناس لا يجيب ولا يودي ..

ومش حيريحولك مهما درت ...

مفروض الشخص يدير اللي مقتنع بيه واللي شايفه صح حسب الاداب والاخلاق واصول المعاملة ويراعي دينه ومجتمعه ,, ويفوت الباقي ,,\\

..صحيت ابن درنه ..
موضوع يستحق النقاش ..

السلام عليكم ورحمة الله وبركاته
والله أنالمانلقي مواضيع زي هل الموضوع نفرح لما فيها من فائده
أول شي الانسان ادير اللي يعجبا بس في ضوابط وهي الكتاب والسنه
يعني دير اي شي يرضيه عليك ضميرك وصدقني الانسان اللي اخاف ربه
مستحيل يقع في اخطاء تعجل الناس يتحدثون عليه
بس هنالك اشخاص شغلهم الشاغل هو تصيد العيوب الاخرين لايعجبه الملتزم ولا الانسان العادي ولا الصايع
قال رسول الله صلي الله عليه وسلم من تتبع عورات الناس تبع اللع عورته