مكالمة بين بنت و ولد

السلام عليكــم ورحمـة الله وبركاتــة ،،

.
.

البنت : الو اهلا

الولد : الو اهلين

البنت : محمد كيف حالك

الولد : أنا مش محمد محمود !

البنت : أسفه أخوي أنا غالطة

الولد : انتي غالطة اوووووه تشرفت بمعرفتك احلى اسم والله

البنت : تصدق انك سخيف

الولد : والله عليش ماقلتليش من قبل ؟

البنت : قبل ولا توا ههههههههههههههه خلاص سكر

الولد : سكر ولا ملح شكلك جيعانه وتبى حاجه تاكليها

البنت : إنا لله وإنا اليه راجعون

الولد : اووووووووه من اللى مات ؟؟؟؟؟؟؟؟

البنت : عليك سكنه سكنتها فى راسي

الولد : عليش امتى طلعت من حوش هلى بيش نسكن فى راسك

البنت : تعرف انت فاضي

الولد : والله نحساب روحى مليان

البنت : هههههههه هذي حلوه

الولد : عليش ذقتيها ؟

البنت : اللهم عافينا

الولد :عليش انت مريضه ان شاء الله لابس ربى يشفيك

البنت : والله انت حاله

الولد : اممممممم صلبه ولا جامد خايف غير تكون غازيه

البنت : لا انت حاله نفسيه ومستعصيه

الولد : ههههههه صراحه انتي دمك خفيف (((((((((((وانقلب الوضع لصالح
البنت )))))))))))

البنت : عارفة وانت عقلك خفيف

الولد : لا هكر كثرتى

البنت : عادي نقصها

الولد :هههههههههههههه باهى خلاص حناطه عاد

البنت : عاد ولا رجع

الولد : انت حشرة

البنت : عادي اقتلها

الولد : تبصرى

البنت : لا نخفف فى دمى

الولد : ياباردة

البنت : في اختراع اسمه كوشة

الولد : هيا خلاص احترمى عمرك يابنت

البنت : نحترم عمري شن اتحق فى عجوز

الولد : باين عليك مش ساهلة

البنت : ساهله ...... شنو اتحق فى مسالة حساب مالا

الولد : نقولك حاجة

((((((((((( يبي يغير الوضع لصالحه )))))))))))

البنت : خير قول ؟؟؟؟؟

الولد : قولي انا جاهزه !!!

البنت : أنا جاهزه

(((((((((((أخذ الفرصه )))))))))))

الولد : أنتي جاهزه وانا تفصيل هههههاي

البنت : ياقليل الادب

الولد : ادب ولا نصوص

البنت :لانحو وانت الصادق

الولد:تى كيف صار مش قتلك اسمي محمود

البنت :انقولك حاجه قول نعم

الولد:نعم جلم ايقص رقبتك بســم الله الـرحمــن الرحيــم
طوط طوط طوط

تمت المكالمه

ههههههههه

حلوه منك يامايكل والله ضحكتني

منور عالموضوع

شكرا

المهم انه عجبك الموضوع

اوكي

ههههههههههههههههه
حلوة ..

مكالمة فستري بكل ..
ههههههههههه

منور مايكل ...

هههه

عشان لما اتكلموا معاش تغلطوا في الرقم مره اخري
هههه

منورره لولي

ههههههههههههههههههههههه
امنور مايكل

شنو السكنان هذا

مشكوره علي مرورك يا قوت