غناوي وشتاوي دلف 9!!!!!!!!!!!

لا اكيـــــــــــــــــــــــــد حيعجبنا ,,,,,

,,صحيت يا خ ,,,,


,,, وانتظر دلف 10 ,,,

مشكور اوخى

ياريت اخى جوبيتير فيه تنسيق فى المواضيع غناوى وشتاوى بيش الواحد يعرف ايشارك اى غناوى ع القديم ابروحن وغناوى العقل ابروحهن وغناوى ع العين ابروحن وهكذا ومشكور مره اخره

اغيـــابه يادار امخـــليك ..... اتقــولى غــادى للى جيــك
غيابه يا عين امخليك ...الوطن الواسع ضايق بيك

(لو كان الوطا تنشال انشيلو عزيز ومقعدة.
() كنيبة امغير ايام سعد الياس مو ديمة قوي
) كبرت نار مرهونين كميتها علي جوفي رقت
() قليلة نجا ياعين من يوما وطيتي نارهم.
() قايلة مع عقال العين حالفة مااتخونهم.
() فراق العزيز صعيب والعقل في فراقة كادني.
() الصبر شين وزين عليه ياعين كان تقدري.
() افراق العزيز صعيب تخريج روح يانا موعرة.
() الصبر حاجة الزينين حطيه في معاديل الغلا.
() فدا عزيز مو موجود كبير جا علينا فاهقة.
() غالي علي لنظار حتى وانت مرهون ياعلم.
() غيات الغني ياعين عذاب غير عادة جارية.
() جبد سريب جابك فيه فزيت نين مافيدي وقع.
() عزيز وين مانطروه ايسيلن رقيقات الغرض.
() عليك خاطري مجروح ياعزيز ناويش درتلك.
() علي غلاك نين اتموت العين ياعلم بات رايها.
() طباب ياعزيز غلاك صفق ايديه مو لاقي دوا.
() طارح افراش الياس العقل نام نومة ريحة.
() صنم شكيتلة مالياس جبر بخاطري وقال يقسمو.
() صبرت ياعزيز اسنين اللي قبل يوم ايكيدهن.
() صبا العقل يوزن فيك لقاك ردع لوطان كلها.
() سريب صوب جا للعقل نساه ياعلم طاري الهل.
() سياتك المتبعات ننساهن اتجيني بغيرهن.
) خطاي من خطاك امعاي سبق خطاك كافيت بالخطا.
() زرعت زرع دار اثمار جنوه ناس مانالو تعب.
() زعمة ياعزيز نسيت ولا عليك ديمة نخطرو.
() راجيت والرجا ماجاب ننساهم الله غالب علي.
() راقد وجاك النوم كذاب ماغلانا شاغلك.
() خلفت ياعزيز امعاي فواهق بنيران يطلقن.
() ريتو هبال العين تشاكي اللي ماتشغلة.
() دعايا علي خوان عمى وفقر ويقودة عدو.
() تاكل بلا دخان جواني ديقلة يانارهم.
() ترجاك والرجا فالله العين ياعلم مو ميسة.) العين حاسبت لوقات لقت زمانها مايل بكت.
() العين هذبها مبروم علي عزيز ياما باكيه.
() العقل في بلاد جهال ان دار الغلا ياذوه ياعلم.
() اجعن دعاي ياخوان تلقاه في ظراري اكبيدتك.
() عليهم لها مدات اعزاز قابلو عيني بكت .
() الياس والجضر والموح بلا امراقصة ياعين طيعيلهن.
()مرهون في بلاد عزاز شكواه عيب واسكاته مرض.
() يزيدك شرف ياعين ميعادك مع ناس عاقلة .
() غلاي يالعين الياس ماطلقة نين عالموت شرفة.
() بروحة مشا للنار يستاهل الخاطر لذعها.
() لو كان الغنا راس مال علي عزيز راك امخوجة .) عزيز قلتلة واندمت انساني نسيني وماانتسى.
() مني عزيز ويش ايريد وهو غلا من روحي علي.
() غلا عزيز كيف النار لسعاتة قوا مايبردن.
() غلاك فالسما لافوق الا لرض داسوها عرب.
() مفاتيح باب العقل ياعزيز في جيوبك مشن .
() انخاف ياعزيز اندير عليك كبد تلوي ايدي بها.
()عزيز والعياط وراه شقواي بيه م الساعة غلط.
() الراقد ابناي يعبه شاكع ازويتين خاطري.
[b][/b ]

جانى علم ونا ناسيهم = دارت يوم العين عليهم

منهده الاولاف عليهم =غير على طارى طاريهم

اللى متلايم والمنهد=فواهق عندى مالحد

عندى نقناق ايبكيكن = حتى من غير غواليكن




--------------------------------------------------------------------------------
زعما الي معاك معاي
والله نا وحدي في نار الغلاء

الي يبيك ما تبيه
والي تبيه ما قسم

مكتوب راد به الله
نا جليت والغالي وطن

فداك يا عزيز الكبد

الي بين نيرانك هافة

اعزاز ساكنين الروح

معاي كابرة نارهم

العقل ما ينا م الليل

خاطر عليه عزيز مفارقة

مبروك يا عزيز مادرت

غلاء جديد نساك صوبنا

مرهون يا عزيز أنسيه

ديري عزاوين واصبري

حالف عليه الياس

غلاء عزيز ما زال خاطر ي

اعزاز با عدوا بالدار

خلو العقل ايزازي بنارهم

إن درت صوب لك صوبين

وإن ضقت يا عزيز نا تاركك

العين حاسبت لوقات

لقت زمانها مايل بكت

اتقول شاربات سكير

ايموجن مع نار الغلاء

الناس كلها عدوان

غلاك جار تشكي بيه لمن

ايروق أمغير امعاك

الأنظار يا عزيز اتقول كاتبلهن

على القديم سفيت رديم

مع الجديد تاري والعة

العقل ساهرين عليه

غلبنا من معاناة نارهم

أجروح غالبات الياس

وما بن يا علم أيلامن

لا تعاندي مولاك يا عين

على عطاه يا عين أصبري

عليك وين راد الله

أنسي عزيز يا عين وأصبري

غلاء عزيز في التاريخ

قبل ماتوعى البادية

الخاطر وين غبت معاك

لا صبر لا نوم جايه

القدر هو رديع الصوب

إن غابن قوانينه عدم

العقل في بلاد اجهال

إن راد الغلاء يادوه

ربيعك الي فر العقل

زهى الروح وقت الجدب

يا قديم جاك رديم

محاك سنين تا تبرك أتجي

ندعولك بطول العمر

عليك نور وتعيش في زها

بعد العيب منك جاء

الأنظار شكهن لمن

الي غلاه فرط فيه

يصعب عليه ما عاد ياجده

الصبر ما قضى حاجات

وعدت أيامه في الرجاء

حسيت خاطري عوام

سهيت شالني سيل الغلاء

ياريت الغلاء ما صار

تباعد وجاء كيد علي

واجب عليه القدر

العقل ما صوبك حثم

سلامي على الأيام

الي معي ما يوم ساعدن

بلا قشوشة النار

تشيط وتوحلوا في ردمها

أن نامت العين اتجيب

سريب ناس موح دارهم

كتب الله عا الخاطر

با الموح وين والف حزن

دهوارى بلاهم خير

الى لاغنوا لا يريحوا

حتى أن ما قسم صوبك

ما زلت يا عزيز غالي علي

انشاالله تعجبكم

عليش عابيه ياعين خذوا عزيز وانتي قاعده

امعطيكم اعيوني كنت بيديكم طرفتوهن علي

عليه ماانهون وهنت ياما عزيز ياعين قالي

ياعزيز بالك ضلم نبكو عليك تبكي الغيرنا

خليت خاطري للناس لهاوه عليه يميعدوا

[/b]مرايف القلب والعقل مدوشن...ومن هبالها العين ترفب في الرواشن[img][/img][img][/img]