غلا واشواق معا تكبيد ♥ ♥ عزيز بعدهن ويش ايريد

السلام عليكم انشاء الله تعجبكم اولى مشاركتى سامحونى بادى على القوى من الاول
منورين شباب وبنات درنه
شدو هيا


غلا واشواق معا تكبيد ♥ ♥ عزيز بعدهن ويش ايريد
وين عليه اكبيدة درنا""رد عزيز كسر خاطرنــــا
مرهونين وشوقي فيهم ... خايف مانقدر نطريهم
جعنك يا خوّان الصوب .. انشوفك في الشارع مكلوب
اجعنك يا خوان غلانا من مستشفي لاجبانه
اجعنك يا خوّان غلايا ... تقطع فيك الموت حدايا
اجعنك يا خاين اللولاف .. مريض تعيط بيك اسعاف
تصدق مانحساب اتسير.........غوالي يلتفتوا للغير
أللي إيذوق غلانا مره .. يمشي وإيعاود ع الجره
اتذوب الكبد وتبقا دم وما ننسا طاري لقدم
كل فراق عليه اقدرنا.....فيت افراق عزيز قهرنا
أتشرك ياغالي وأتزيد **** بعد الكبيدة ويش أتريد
عندي رب اسماه العالي *****ماني في عازت لا والي
أيفتش في روحه ويدس *****الخاطر ماتسمعله حس
كل طويل ايبان عليا ............... نفرح نحسابه غاليا
زول طويل وفيه الرقة ** تزهى عيني وين تحقه
غلاكم زايد ماله حد...أمواج تمد...توصل شاطيكم وترد
حتى كان خذتني ميتة انرايف ونجيكم عفريته
ياعيني بدموك كبي ..... نين عليك ايفرج ربي
ابري الجرح لكن ما بري سطاره ....... خايف علي عمري ايريح اخساره
الطير الي عده مربوحه ...........ما طيرته طار بروحه
عدي مربوحه ياطيري ** كان لقيت الحن في غيري
العين بلاكم يالولاف ♥ღ♥ღ♥ اتحوس وتضااايق وتخاف
نار قديم كلتني كلي ..ويش انداوي ويش انخلي
عزقني في نيران غلاه،قديم وحط ايديه وراه
الغالي دايرها بالجو **** ايرايف كي مايبي هوا !!!!!!!!!!
عزيز مدايرها بالجو ♥ ♥ اوقات يسأل واوقات ينسفط
الغالي مغاليني بالجو .. ينشد وين ايرايف هو
مـوش بـجـوكـ يـوم مـعـاي وعـشـره تـقـول عـدوكـ .. راهـو الـغـلا بـالقـدر .. مـوش بـجوكـ
انصار تغربيل مع الريح ..عرب واجد من العين اطيح
يالجديد معبي عيني***ماعادقديم يبكيني
صوب جديد كبر في عيني ** ماعاد قديم ايبكيني
قديم اللي شايفلي روحه.......جاباهي عدا مربوحه
ناوالياس رفاقه دوم......اتقول خلقنا ربي توم
قلنا لاياياس خاطنا***قال معاكم لجبانه
كملتي ياكبدي تشريك **** لي ماجاتك تو أتجيك
كبدي ياالغوالي ذابت **** منكم والقسمية غابت
عزيز كلا كبدى بغلاه***مرايف عالميعاد معاه
نقناق الغلا نقناق .. ايريد صبر ويريد واجدن
كملتي ياكبدي تنهيش **** لي مو واخذ قال إمنيش
كبدي ذابت يا غيابي **** ماعد جيتوا شور إحسابي
يانا لي كبدي منفرعة **** راحت مني قرعة قرعة
كبدي مرهون إمقسمها **** ولي بين أيديه ظلمها
كبدي من مدة مقسومة **** لكن تمسك في اللومة
كملتي يا كبدي تقسيم **** إمغير الحيل خذاه قديم
كل عزيز خذا ماسدا **** من كبدي ياعين وعدا
من مدة كبدي منفرعة **** عدا كل عزيز بقرعة
مازالت كبدي مفروعة **** مابين اللومة واللوعة

مشكووووور بجد خيي هيثم
مشاركه حلوه لانها منك:-)
تقبل مروري
بااايااااتوا

مشكوووووووووووووووووووووره خيتى على المرور وكل دوق
ليش هدا كل الزعل والياس الله كريم خيتى
خودى الدواء هدا وبأذن الله ربي يفرج عليك

إذا اعتلت أبداننا داويناها بالقرآن
وإذا ذلت أخلاقنا قومناها بالقرآن
وإذا نامت ضمائر نا أيقظناها بالقرآن
وإذا وهنت عزائمنا قويناها بالقرآن
وإذا مرضت نفوسنا عالجناها بالقرآن
وإذا أظلمت سبلنا أنرناها بالقرآن