اكاااااااااااابر

تمر أيام يايمه وانا حالي على هالحال
أعاني الظلم بالدنيا ... لو الأقدار مكتوبه
آكآبر يمه همومن صعيبات(ن) تهدّ جبال
وأحاول ارسم البسمه على شفاتي وبعجوبه
واشوف الدمع يايمه على أوجاني بدا يختال
وأحاول ابدي الفرحه وهي من الجوف مسلوبه
اكآبر وأمشي بعزّه لو همومي شدّاد ثقال
من حمولي أحس الأرض تعاني هم.. منكوبه
اكآبر دنيتي الغبرا وأجر من ونّتي موال
وأسير بدربي المظلم ويسأل قلبي ش ذنوبه؟؟
كبر هالجرح يايمه كبر حتى غدا أستغلال
استغلوا طيبتي يمه .. وانا بيديهم ألعوبه
يايمه هذي الدنيا سقتني كاسها بإذلال
وخذتني لعالم الأحزان على الإذلال مغصوبه
يايمه ماتت الفرحه ...يايمه صار فيّ اهبال
بعد ماحلمي اليافع غدا في عيني اكذوبه
يايمه ساعة الشدّه تطول ولا لها حلاّل
تدّمر كل مافيني قصايد حزن مكتوبه
يايمه كثرة جروحي وسهر عيني عليه طال
يايمه من كثر حزني ذنوبي مالها توبه
يايمه شافت عيوني في هالدنيا كثير اهوال
وانا عزمي من الصدمه خطير(ن) يعلن اهروبه
حملت من الزمن هم(ن) عجز لا يحمله رجّال
وأكفكف باقي دموع(ن) على الخدين مسكوبه

لشاعره عنود الشيباني
السعوديه

آخ یایمه