شعر علي ثوره ليبيا ووحدتها

يإجدابيا جاك الخبر م البيضا ليبيا اتَنس لها سنين مريضة

يإجدابيا ماغابن طبرق ودرنة عالفخر يزابن

والمرج وقمينس وين ما ايتنابن يشيلن بعالي الصوت يوم نهيضه

بنغازي بلاد العز ما يرتابن سلم تريسك قاضيين فريضة

ومي منكورة يوم ثورة الشباب في تاجورا

والزنتان ماغابت فوسط الصورة ويفرن معاها قاسمة م الغيضة

وجانا دافع وجايب مسوع جايبين مدافع

فالبيضا عطوه نهار سيدي رافع وخشوا على اللهلاب في تغييضه

في وسط بنغازي الدم يترع قدام الكتيبة والتريس امصرع

فراسين ماهابو رصاص مدرع سلم شبابك ماتجيه قريضة

وفي الابيار وطلميثة وتوكرة ودريانة وسلوق صار نهار

أصقورة أتريسك من أطيور حرار منين إيتنفض يعجبك تنفيضة

وفي مصراته سلم تريس الكرب في عازاته

والرجبان ما غابوا على دعكاته ويالزاوية زيدي اللهب تنويضة

وساعدوا طرابلس شاغلوا قواته واصمدوا يجود الله واسع فيضه

وياترهونة سلم شبابك وين قابل عونه

ويابلاد الاسمر اقلبي قانونه جدكم شريف وما كلاش البيضة

ويابن وليد والله عالم كونه هظا وقت فيه الوطن يبرد قيظه

ياجبل غريان وياطرابلس ياخيرة البلدان

ثوري عليه الظلم والطغيان ما يعوز نكتبلك اليوم عريضة

وثوري بكل الحيل يافزان وياسبها بلاد العز تبقا ريضة

وراهو الظالم ما معاه أمان نتكاتفوا نحيدوا دولتا البغيضة

والتاريخ يكتب لاشراف والخيان لابناءنا يسجل خطوط عريضة

-

1-المقصود بالمسوع هم الجنود الاحباش الذين جندهم الطليان 1911 لقتل الليبيين وهاهو التاريخ يعيد نفسه بعد مائة عام بالتحديد 2011 .

اصبر ياوطنى على صار .. ماتنهار ايحروك احفاد المحتار
اصبر ياوطنى عالتخريب وعالتعذيب اللى فايت حتى بوغريب
اللى مكتوبه فيك نصيب بعدها النار ربيع امخلط بنوار
اصبر ياوطنى ماتنغد الفارس شد جواده ودقر فى اليد
على النيران ايريد ايهد اجيب الثار اما مات اما جاب افخار
اصبر ياوطنى عالسيأت اللى كثرات اللى فايت فى قولى مات
وقرباً لظالم ساعات كرس فى الدار مريب من زحف الثوار
اصبر ياوطنى عالنذال عويل اهبال خميس وسيف وهانيبال
وياغيار الحال بحال انصر لحرار هوادى خليهم الصرار
اصبر ياوطنى عالظلام اللى الجرام اوصال بيهم عدو الاسلام
الدنيا تمشى لقدام اساع ينهار ولد اليهودى يحتار
اصبر ياوطنى على صار وماتنهار ايحروك احفاد المختار
راكح ياوطنى وتهنى راهم منى قوالت مرحب بالجنه
ما من فارسه ياحنه حق النار اداع فيه دمى حار
اصبر ياوطنى فى الميدان اصبر من غربه للبطنان
اللى قايل عنى جرذان احنا لحرار اللى شيطنى فيه النار
اصبر ياوطنى عالشرار وعالتيتار اللى داير روحى منيار
بعد زنقه زنقه والدار انظر ما صار اسمعنى كرس كيف الفار
اصبر ياوطنى ياما صار كواين راينى فيك اكبار اوله طيار
الطيار اعطب لنهار اللى طاحت فى عز نهار
اصبر ياوطنى عالتخميم وعالتجريم ظناً قاتل فى بوسليم
هذا بالله كيف ايصيام وراه النار اذنوبه مالحد اكبار
اصبر ياوطنى مامن خير اساع ايتكفى لقدام جميع اللى
محبوس اسير سنين يابال أيام او رايس قطر هالامير فزع
من جده موش كلام اوسركوزى من قال ايطير اللى من
شلقم جاه ملام طرد من وطنى كم سفير ايحودد فى ايام
النظام ونشكر اوباما الشهير ايعادى فى افعال الظلام
نضرنا طيارات اطير بلا طيار هذى فزع ميش استعمار

تسلموووو علي الاشعآآر بجدّ
رآآآئعة مشكووورين
تسلموآآ تقبلوو مروري

samoابداعك المعهود منك
تعاوده لنا في كل مواضيعك
قليل ما تكتب لكن كل ما تكتبه
يترك بصمه في اذهاننا
مشكوووووووووووووووووووووووووووور